Diutronomi 23:7 - Buka Blahi Ka Cheke Holo

⁷ “Nu ghotilo theome tiromini kaisei maegna Idom, naugna ghotilo kheragna mana. Eghuteuna ghotilo theome thofno tiromini maegna Ijep, naugna tifa na ghotilo neke au ka nodi kantri mare na jateula mae phosa neku.

Diutronomi 23:7 ပူးပေါင်းရင်းမြစ်များ

Diutronomi 10:19

Eghume ghotilo mala jaola mala namhadi naikno phosa igre, naugna tifa na, ghotilo neke jaola neke naikno phosa Ijep.

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Levitikas 19:34

Ghotilo mala ghathodi narane teke au ghotilo Ijep jateula naikno phosa teku jare ra. Ghotilo namhadi naiknodi delei are jateula te namha ghami themi eghu, eghuteuna ghotilo mala reireghi fakelidi, jateula ghotilo te reireghi fakelidi tharaknami themi are eghu. Iara Lord, nomi God ghotilo.

Eksodas 23:9

“Iagho thosei eni kaisei puhi te diꞌa ranghini naikno gna delei te mei au ka namonomu iagho na. Iagho laseni puhigna naikno te jifla kokoni namono gna na te tei au delei na, naugna ghotilo neke au Ijep tifa na.”

Naba 20:14

Kate au teu mare Kades na, mae Moses ne kuru teidi keha mae mala tei cheke ka mae king gna Idom na. Mare ne cheke eghu ka mana, “Ghehati vikegna Israel gre kherami ghotilo. Eghuteuna ghotilo la lasedi hila eidi kmana puhi te thoke ghami ghehati ra.

Jenesis 25:30

Aonu mae Iso ne cheke eghu ka mae Jekop, “Ghema, faghose. Iara rofo nogu fara, famei keha ghegu susupu ukru ka teke kuki iagho ana.” Naugna igne naiknore kiloni mana Idom. Eigna gaoghathogna Idom teu igne, “Ukru” eghu ka cheke Hibru na.

Profet Malakai 1:2

Igne unha teke chekeni Lord, “Ghotilo te karha mei ka vikegna Jekop ra, iara thofno namha ghami ghotilo fara.” Nu ghotilo cheke eghu ka mana, “Mala faꞌunha sagho te namha ghami ghehati gnea?” Aonu Lord ne cheke eghu, “Uve, tifa na mae Jekop ghe mae Iso ra neke phei mae thabusigna. Eghuteuna iara neke namhani mae Jekop, eghuteuna iara neke jaola neke namha ghami ghotilo naikno teke karha mei ka vikegna mae Jekop ra eghu.

Nodi Khoje Hatimare Mae Jiu 105:23

Ke leghu na, mae kmagna na ne soru baludi mae thugnare ne au Ijep.

Jenesis 47:27

Hatimare mae Israel gre neke soru au Ijep ka nohi Gosen, ne au nodi glose jare, dedi nodi nei vuragha fara naikno na sua na neu jare.

Jenesis 47:12

Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”

Jenesis 46:7

Eghume, mana ne tei au jare baludi thugna nalhaꞌu, gragna nalhaꞌu, thugna gaꞌase nei gragna gaꞌase teure Ijep.

Diutronomi 23:8

Gradi nafnata mae igre au nogna nolaghi te mala au ka kaisei nodi faidu nogna naikno Lord.”

Ululahu Kings 11:25

Aonu leuleghu fata ka nakarhagna King Solomon igre, King Reson gne kaisei nogna naoka mana. Eghume King Hadad maegna Idom igne mana eꞌei puhi ranghini Israel, eghuteuna King Reson maegna Siria igne jaola naoka ranghini Israel.

Esra 9:12

Eghume ghotilo thosei snakredi thumi gaꞌase are mala tolaghi ka thudi nalhaꞌu mare are, eghuteuna ghotilo thosei hata thudi gaꞌase mare are mala tolaghi mei ka thumi ghotilo are. Ghotilo ginauna thosei toghodi naikno igre mala rheta nei au fakeli eghu mare. Jame te leghudi ghotilo nogu cheke iara igre na, ghotilo ginauna tangomana te au fakeli nei ghamu fakeli teu ka glose igne, eghuteuna ke leghu na vikemi ghotilo re ginauna au fakeli fabrahu ka glose igne.’