Diutronomi 23:2 - Buka Blahi Ka Cheke Holo

² “Jame kaisei mae karha kate theome thofno tolaghi leghuni nodi vetula naiknodi Israel, eghuteuna iheire ginauna nate karha mei ka vikegna mae igne, nafnata mae igne theo nogna nolaghi te au ka nodi faidu nogna naikno Lord igne.

Diutronomi 23:2 ပူးပေါင်းရင်းမြစ်များ

Profet Sekaraea 9:6

Eghuteuna naikno phosa ginauna mei uluni Asdod mala au tagna. Lord ne cheke eghu, “Naiknodi Filistia igre fahaehaghe fara, nu iara ginauna edi gaoghathodire mala glaꞌe soru.

Profet Isaia 57:3

Lord ne cheke eghu, “Nu ghotilo thudi naikno te diꞌara, nei vikedi iheire te loku ka naitu ra, nei iheire te tolaghi pedo ra, nei gaꞌase vine ra eghu ghotilo mei mala fate ghami iara!

Jone 8:41

Eghume, te chekeni iara ka ghotilo na, ghotilo ke edi la glepo teke edi mae kmami themi re.” Nu mae Jiure ne cheke eghu ka mana, “Ghema, ghehati theome jateula goro sua te theome laseni mae kmadi na ia eghu sia. Nu ghehati mae kmami na kaisei God ngala.”

Diutronomi 23:1

Mae Moses ne cheke eghu, “Jame kaisei mae au jare mae ihei teke vahe mamajagna na ba vahe koko glepogna na. Nafnata mae igne theo nogna nolaghi te mala mei au ka nodi faidu nogna naikno Lord igne.

Diutronomi 23:3

“Jame kaisei ka vikegna Amon, ba vikegna Moab, eghuteuna iheire ginau nate karha mei ka phei vike igre, nafnata naikno igre jateula te theo nodi nolaghi eghu te mala au ka kaisei nodi faidu nogna naikno Lord igne.

Levitikas 21:20

Theo kaisei ka mae igre tangomana te loku kate peko thagru gna na, ba thini gna na thofno sokmo fara, ba tatha gna na diꞌa, ba au bakua ka thini gna na, ba tathagu.

Profet Isaia 56:3

Theome doglo naiknodi keha kantri igre te nhaꞌa cheke te mala leghuni Lord, te cheke eghu na, “Lord ginauna theome snakre ghau iara te tarai baludi nogna naiknore.” Eghuteuna iheire te theo thudire, thosei cheke eghu, “Naugna iara gne jateula gaju te theome ure ra eghu theo thugu, iara theome nabagu te au baludi nogna naikno God igre.”