Diutronomi 23:19 - Buka Blahi Ka Cheke Holo

¹⁹ “Kate kaoni sileni, ba gano, ba keha glepo ka ghotilo mae kherami ghotilo na, ghotilo thosei foli kaisei intres ka mana.

Diutronomi 23:19 ပူးပေါင်းရင်းမြစ်များ

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.

Profet Isaia 24:2

Ka narane igne, naiknore ginauna kafe au papara. Neubane mae pris ba mae kolho, phiamare mala kafe au papara. Neubane mae funei ba mae gloku kolho, phiamare mala kafe au papara. Neubane nakrupe ba gaꞌase gloku kolho, repa mala kafe au papara. Neubane mae mala maket ba mae mala foli, phiamare mala kafe au papara. Neubane mae mala tore kaoni ba mae mala snakreni kaoni na, phiamare mala kafe au papara. Neubane mae dedei ba mae kuma, phiamare mala kafe au papara.

Profet Jeremaea 15:10

Iara ne cheke eghu, “Ido! Iara thono diꞌa nagnafagu fara, eigna iagho neke fakarhi ghau iara! Leuleghu fata na iara fapholai nei cheke diꞌa fapulo eghu ka naiknogna kantri igne. Iara theome mae mala tufa sileni ka keha mae mala ke tughu fapulo mana ka iara, eghuteuna iara jaola theome kaoni sileni ka keha maere. Nu naikno te gnafa gre mare cheke fadiꞌa ghau iara.”