Diutronomi 23:15 - Buka Blahi Ka Cheke Holo

¹⁵ Mae Moses ne cheke eghu, “Jame kaisei naikno sneka rikha ka nogna funei na mei poru ka ghotilo, ghotilo thosei ke kuru fapuloni.

Diutronomi 23:15 ပူးပေါင်းရင်းမြစ်များ

Ululahu Samuel 30:15

Mae Devet ne ghusna eghu ka mana, “Ba, iagho tangomana te atha ghami ghehati te tei ka vido aheva te au teu mare na?” Mana ne cheke eghu, “Uve, iara tangomana jame te nhaꞌa cheke iagho ka nanghagna God te mala thosei falehe ghau iara na, eghuteuna thosei ke snakre fapulo ghau iara ka nogu funei na teuna, iara ginauna na atha ghami ghotilo tei.”

Diutronomi 23:16

Keliu mala au balumi ghotilo ka namono aheva te vahini mana na. Eghuteuna kate au mana balumi ghotilo na, ghotilo thosei cheke faparini.

Levitikas 26:12

Iara ginauna nomi God ghotilo fabrahu, eghuteuna ghotilo ginauna nogu naikno iara.

Naba 5:3

Neubane nalhaꞌu ba gaꞌase, ghotilo na fajifla naikno te theome keli ka tathagu iara tuare, naugna iara au balumi ghotilo. Ghotilo eni unha te chekeni iara gne na eghunu fadiꞌa mare namono igne.”

Nodi Khoje Hatimare Mae Jiu 78:65

Ke leghu na igne, Lord ne kegra haghe jateula kaisei mae teke dofra nathuru ra neu. Uve, mana jateula kaisei mae nheta te dranga ka waen ra neu ne kaikaliti mala magra.

Profet Isaia 12:6

Tahati naiknoda ka namono Saion, tahati mala koje fabiꞌo! Tahati mala koje, naugna tahati ne glealeꞌa fara! Noda God te blahi, tahati maeda Israel, mana au nolaghi biꞌo, eghuteuna mana au baluda tahati gognaro na.”

Profet Isaia 33:21

Ka vido igne nate au Lord noda God tahati mae ihei te nolaghi fara na. Eghuteuna mana ginauna reireghi ghita jateula kaisei khoꞌu biꞌo te au faligoho ghita ra eghu. Eghuteuna theome tangomana kaisei nodi vaka mae naoka gre nate mei namo ka tahati na.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”