Diutronomi 22:9 - Buka Blahi Ka Cheke Holo

⁹ “Ghotilo thosei joꞌu keha nafnata sisi farihotei ka nomi nagare grep are. Jame te eni ghotilo igne na, gano te kotu nei sisidi gaju grep teu igre ginauna blahi, eghuteuna ghotilo theome tangomana nate hata na.

Diutronomi 22:9 ပူးပေါင်းရင်းမြစ်များ

Levitikas 19:19

“Ghotilo mala leghudi nogu vetula iara gre. “Ghotilo thosei snakreni kaisei nafnata glepo tautagu mala ei sua ka keha nafnata glepo tautagu te jafra. “Eghuteuna ghotilo thosei joꞌu phei nafnata khatu ka kaisei nagare kolho. “Eghuteuna ghotilo thosei pipichi pohe teke horo mare phei soasopai glepo jateula ghajo ghe wul.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Matiu 9:16

“Theome tangomana tahati te hata nabreku pohe majaghani na te susuki ka pohe tiatifa tela korahi na. Te eghu tahati na, kate titihi tahati na, nabreku pohe majaghani tuana ginauna nake rerheku ngala keha pohe tiatifa tuana. Eghuteuna khora tuana nake biꞌo lao gnai teke ului na.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Letas Teke Riso Tei Mae Pol Ka Khiloau Rom 11:6

Mana neke theome vahidi eigna ka nodi gloku te keli, nu eigna nogna khokofakasai ranghidi kolho. Naugna jame vahidi mana ka nodi gloku te keli muna, nogna khokofakasai God na ginauna theo nafugna kolho.

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Diutronomi 22:8

“Kate eni ghotilo kaisei vido ke kligna suga mala faghaghafa, ghotilo bara lithui ka thaba mala theome tangomana kaisei naikno te uka te lehe na, naugna jame te lehe naikno na ghotilo ginauna khale ka falehe naikno.