Diutronomi 22:24 - Buka Blahi Ka Cheke Holo

²⁴ Jame te eghu na, ghotilo hatadi repa tei ke kosi grengathagna nomi namono na mala fadi thinadi mala ghilei lehe repa. Gaꞌase igne mala lehe, naugna kate eni mae igne puhi te diꞌa na ka naꞌa na, naꞌa au nekeu ka nomi namono ghotilo na eghuteuna naꞌa neke theome ehani kaisei naikno mala mei toghoni. Eghuteuna mae tuana nabagna te lehe naugna mana ne goigonini khetogna keha mae na. Eghume te keli na ghotilo koko puhi te diꞌa igne ka ghotilo.

Diutronomi 22:24 ပူးပေါင်းရင်းမြစ်များ

Diutronomi 21:14

Nu jame mae igne theome magnahagheni gaꞌase igne ke leghugna te tolaghi ka naꞌa na, mana snakreni gaꞌase igne mala snagla tei nogna kolho. Mana theome tangomana te sabirini naꞌa ba ghathoni naꞌa jateula naikno sneka teuna, naugna mana neke thuruhi balugna naꞌa.”

Ululahu Korin 5:2

Tore! Ghotilo theome tangomana te cheke fahaehaghe ghami themi na. Ghotilo jame diꞌanagnafa balu mamaja, eghuteuna mae ihei te eni nakhibo tuana nabagna na mala au kosi.

Matiu 1:24

Mae Josep dofra haghe ne leghuni chekegna u engel nogna Lord na ne hata Meri ne tolaghi ka naꞌa.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Jenesis 29:21

Kate gnafadi fitu finogha igre mae Jekop ne cheke eghu ka mae Laban, “Arohila iara gnafadi re fitu finogha ra, fameila sagho khetogu iara na mala thuru la iara balugna.”

Diutronomi 22:23

“Jame kaisei mae tei ka kaisei namono eghuteuna mana thafoni kaisei gaꞌase, gaꞌase igne la paruhi eghuteuna mana eni puhi te diꞌa na ka gaꞌase igne.

Diutronomi 22:25

“Jame kaisei mae eni puhi te diꞌa na ka kaisei gaꞌase ka vido te theo ihei nga te au namo teu jare na, mae igne nabagna te lehe.

Thoutonu Eigna Mae Job 31:11

Jame tapla jafra iara ka nakhibo te famamaja ikno fara igne, mae mala fate na nabagna te para ghau iara leghuni vetula na.

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.

Profet Esikiel 16:38

Kate fate nigho iara na, iara ginauna tusu ari ka iagho nafnata papara jateula nogna papara naikno biꞌo teke thuru baludi keha nalhaꞌu igre teuna, eghuteuna naikno biꞌo igne neke aknu falehe thugna na. Iara ginauna aknu falehe nigho iagho, naugna puhimu iagho te diꞌa igne te thono diꞌataguni fara iara na.