Diutronomi 22:22 - Buka Blahi Ka Cheke Holo

²² Mae Moses ne cheke eghu, “Jame ghotilo filoni kaisei mae tapla jafra ka khetogna keha mae na, ghotilo fadidi repa ka thina mala ghilei lehe repa. Ka puhi igne ghotilo ginauna koko puhi te diꞌa igne agne Israel.

Diutronomi 22:22 ပူးပေါင်းရင်းမြစ်များ

Levitikas 20:10

“Jame kaisei ka ghotilo tapla jafra ka khetogna keha mae na, ghotilo mala aknu falehedi repa.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Profet Esikiel 16:38

Kate fate nigho iara na, iara ginauna tusu ari ka iagho nafnata papara jateula nogna papara naikno biꞌo teke thuru baludi keha nalhaꞌu igre teuna, eghuteuna naikno biꞌo igne neke aknu falehe thugna na. Iara ginauna aknu falehe nigho iagho, naugna puhimu iagho te diꞌa igne te thono diꞌataguni fara iara na.

Matiu 5:27

Mae Jisas ne cheke eghu, “Ghotilo la nomhinihi cheke farirhiu te cheke eghu ia, ‘Thosei tolaghi pedo.’

Matiu 5:28

Nu te chekeni iara ka ghotilo na, mae ihei te filo lao ka gaꞌase na eghuteuna magnahagheni naꞌa kau gaoghathogna na teuna, mana la enihi puhi te diꞌa na ka naꞌa.

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.

Fapea Samuel 11:5

Nu ke leghudi igre Batseba haimini te au thugna na ne fatei cheke ka mae Devet.

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.