Diutronomi 22:1 - Buka Blahi Ka Cheke Holo

¹ “Jame ghotilo filoni kaisei nogna buluka ba kaisei nogna sipu ba nanigot mae kherami ghotilo te rikha na, ghotilo thofno ke hata fafigri ka mae khotogna na.

Diutronomi 22:1 ပူးပေါင်းရင်းမြစ်များ

Profet Esikiel 34:16

Iara ginauna tei hirodi nogu sipu te snivi ra, teke tei jafra ra, teke tei tafri kolho ra, eghu mala ke pulo mei reꞌe. Eghuteuna iara ginauna nake pipiha thubu teke fnera ra mala tangomana reꞌe teke keli fapulo na eghuteuna teke nigra ra ginauna nake nheta fapulo. Nu iara ginauna aknu falehe te blokha nei nheta teu igre, naugna iara mae mala reireghi sipu ka puhi te doglo.

Profet Isaia 58:7

Igne puhi te magnahagheni iara na, ghotilo fei ghegna ihei te rofo. Eghuteuna kate filoni ihei te kuma te theo nogna suga na, ghotilo atha meini ka sugamire. Eghuteuna kate filoni ihei te theo nogna pohe na, ghotilo tufa nogna pohe. Eghuteuna ghotilo thosei poruni ihei kherada te mei tore nogna glepo ka ghotilo na.

Proveb 24:11

Ka fate na, iagho mala phile ka naikno te theome eni kaisei najafra na. Thosei snakredi kau glehe.

Ululahu Pita 2:25

Ghotilo tifa na jateula sipu neku neke tei snivi. Nu gognaro na, ghotilo ke pulo mei mala leghuni God, mae greireghi sipu na, thofno mae te mala reireghini nakarhami ghotilo na.

Matiu 15:24

Mae Jisas ne cheke eghu, “God neke kuru mei ghau iara mala mei fakarhidi naiknodi Israel gre kolho, naugna mare jateula sipu te theo greireghidi ra eghu.”

Matiu 10:6

Nu ghotilo tei ka naiknodi mae Israel. Mare la snivihi jateula sipu eghu.

Profet Esikiel 34:4

Ghotilo theome toghodi kolho iheire te nigra mala ke nheta fapulo. Eghuteuna ghotilo theome pipiha thubudi iheire te ghoreho mala ke keli fapulo. Ghotilo theome hirodi kolho iheire te snivi mala ke hata fapulo meidi. Nu ghotilo paradi kolho mare.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Proveb 28:27

Ihei te toghoni naikno te kuma na, ginauna na theome kmoꞌe ka kaisei glepo. Nu ihei te theome toghodi naikno te kuma na, mare ginauna cheke fadiꞌa ni mana.

Levitikas 20:4

Jame te theome ghathoni ghotilo unha te eni mae tuana kate fafara mana thugna na ka god Molek, nei theome faleheni mana teu ghotilo na,

Ululahu Korin 9:9

Uve, te risoni ka nogna vetula mae Moses na cheke eghu, “Thosei haru foflogna buluka na mala lhotini te ghamu kate tapla naꞌa ke kligna wit na.” Ba, kate chekeni igne, God neke ghathoni eigna buluka kolho? Theo.

Diutronomi 22:2

Nu jame mae khotogna na au ka vido te khaba fara, ba ghotilo theome laseni mae ihei khotogna na, ghotilo ginauna hata ke pulo ka namonomi ghotilo na. Ghotilo reireghi fakeli buluka igne ghilei thokeni narane te mei te hironi mae khotogna na. Aonu ghotilo tangomana teke tusu fapulo ka mana na.

Proveb 27:10

Iagho thosei ghatho ihodi kheramure. Kate thoke mei hoholo na, thosei tei ka vikemure. Naugna kheramu iagho te au balumu teu igre thofno uludi fara vike te au delei are.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.