Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Diutronomi 21:18 - Buka Blahi Ka Cheke Holo

18 Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.

အခန်းကိုကြည့်ပါ။ ကော်ပီ




Diutronomi 21:18
31 ပူးပေါင်းရင်းမြစ်များ  

“Ghotilo te gnafa na mala ghathodi idomi kmami are, eghuteuna ghotilo mala tajini narane Sabat, naugna iara Lord, nomi God ghotilo.


“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.


Naugna unha si ghotilo te tiromini chekegna God ignea? Ba, ghotilo magnahagheni God te para ghami fabrahu sia? Puhimi ghotilo re jateula mae te au nafnera biꞌo ka phaꞌugna na te theome ghaoghatho fakeli ra eghu.


Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.


“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.


Jame te fadoglini iagho thumu na, iagho ginauna au blagna nei glealeꞌa eghu.


Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.


Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.


“ ‘Ghotilo naiknomi Jerusalem. Thona ne au ke lamnagna sospen na teu igne, tuana u thotoghalegna puhimi ghotilo te eni puhi te diꞌa na ka keha naiknore. Eghume ghotilo thona ka tathagu iara na eghu. Neuba iara ne fariuriu mala gae ghotilo neu, nu ghotilo theome tangomana te snakre ghau iara na. Eghuteuna puhimi ghotilo te diꞌa igre ginauna au fabrahu ghilei gnafa iara diꞌatagu ka ghotilo na.


Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.


“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.


Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.


“Keha maere cheke fadiꞌadi idodi kmadi re.


Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.


Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.


Sua te fameomekro na theome fanomho ka kmagna na. Nu sua te lalase na fanomho ka kmagna na.


Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.


Thuguo, iagho mala fanomho ka nodi cheke idomu kmamu are, eghuteuna thosei thododi nodi farirhiu repa re.


Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.


“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’


Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.


“Eghuteuna jame thugna gaꞌase kaisei mae pris fathonani thegna ka puhi vine, naꞌa famamajani kmagna na, eghuteuna ghotilo mala gnubrani naꞌa ka khaꞌaghi mala ghilei lehe naꞌa.


“Ihei te thofno cheke fadiꞌani idogna ba kmagna na, ghotilo aknu falehe.


“Ihei te tuti fadiꞌani kmagna ba idogna na, ghotilo aknu falelehe mae tuana.


Idogna kmagna mae sitei igne na hatani tei mana ka hatimare mae lida rhegna grengatha gna namono igne mala fateni mana.


Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.


Tore, phaꞌumi ghotilore maku jateula thina eghu, eghuteuna leuleghu fata na ghotilo theome keli tami ka iara. Ghotilo theome magnahaghei ghau iara nei tei koko ghau iara.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ