Diutronomi 21:1 - Buka Blahi Ka Cheke Holo

¹ Mae Moses ne cheke eghu, “Kate au ghotilo ka glose aheva Lord nomi God nate tusu ari ka ghotilo na, jame keha mae filoni kaisei mae na lehe mata nu ghotilo theome laseni mae ihei teke falehe gna na.

Diutronomi 21:1 ပူးပေါင်းရင်းမြစ်များ

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Mae Khuru 28:4

Kate filoni phanaga te piri ghuali ka khamegna mae Pol na, naiknogna moumolu na ne cheke eghu fari thedi, “Tore! Mae igne jame kaisei mae mala faghoreho naikno signe! Neubane ne rikha ngau mana ka nhorora na ne karha ne mei thoke agne, nu god mae te kiloi ‘Foli Fapulo’ na theome snakreni mana te karha na.”

Proveb 28:17

Thosei toghoni ihei te nabagna te mala au papara na, naugna mana neke falehe naikno. Mana ginauna na theome au snoto ghilei lehe.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Nodi Khoje Hatimare Mae Jiu 5:6

Iagho tapla sorudi nafnata naikno te cheke chaichaghi re. Eghuteuna iagho tiroudi naikno te falehe porudi keha naiknore, ba naikno te maomajora.

Jenesis 4:10

Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Diutronomi 19:10

Ghotilo eni igne, naugna glahu mae ihei teke theome eni kaisei najafra na fiti lehe kolho naugna namono mala poru igre khaba fara. Jame mae te doglo na lehe ka glose teke tusu ari Lord nomi God mala khotogna ghotilo teku na, ghotilo nabami te papara ka glehegna mae igne.

Diutronomi 20:20

Ghotilo ginauna tangomana te kato soru gaju te theo sisidi are, mala horo glepo mala magra, mala ghilei uluni ghotilo namono tuana.”

Diutronomi 21:2

Jame te eghu na, nomi mae lida nei nomi mae mala fate teu ghotilo re tei ka vido aheva te au thinigna mae te lehe igne. Ghotilo falaseni vido aheva te au rhegna namono tuana.

Diutronomi 3:18

“Eghuteuna ka narane tuana, iara neke cheke faheta eghu ka vikedi mae Ruben, mae Gad nei mae Manase, ‘Lord, nomi God ghotilo, mana neke tusu arihi glose igne ka ghotilo mala khotogna. Nu kate kasa ghotilo ka Khoꞌu biꞌo Jordan igne, nomi soldia ghotilo re ginauna hata tei baludi nodi glepo mala magra re mala tei magra ke uludi vikemi themi ghotilo naiknodi Israel.