Diutronomi 20:5 - Buka Blahi Ka Cheke Holo

⁵ “Aonu mae biꞌore ginauna cheke eghu ka mae soldiare, ‘Jame kaisei mae ka ghotilo horo kaisei suga majaghani, mare theome fablahi nga meu suga igne, te eghuna, mana ke pulo au tagna. Glahu lehe mana ka magra eghuteuna keha maei na teke fablahi teke au tagna na.

Diutronomi 20:5 ပူးပေါင်းရင်းမြစ်များ

Nehemaea 12:27

Kate tarabana ghehati te mala fablahi gringni gna namono biꞌo Jerusalem gne teuna, mare tei ne hirodi hatimare mae Livaet ka namonodi re, mala mei Jerusalem ka narane biꞌo igne. Mare mei mala koje kilo fnakno nei mala koje ka simbol nei ka thua nafnata gita.

Diutronomi 16:18

Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Diutronomi 1:15

Eghume iara vavahi mae mala baubatu ka vike te lalase nei au nangha te keli. Eghuteuna iara fablahidi mae igre mala batu ghami ghotilo. Keha ka mare mala komanda ka kaisei thogha mae, eghuteuna keha kaisei gobi mae, eghuteuna keha glimafului mae, eghuteuna keha nabotho mae.

Naba 31:48

Aonu bukrei mae funeidi armi teke tei ka magrare ne mei filoni mae Moses.

Naba 31:14

Nu kate filodi mare na, mae Moses ne thono diꞌatagna fara ka mae funeidi armi teke pulo mei funudi ka magra re.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Diutronomi 20:6

Eghuteuna jame ao ngala joꞌu ngau nagare grep na, nu mana theome ukli ngau ghegna sisi saro ulu na, te eghu na mana ke pulo ka namono. Glahu lehe ka magra eghuteuna keha maei na teke glealeꞌa ka sisigna na.