Diutronomi 20:4 - Buka Blahi Ka Cheke Holo

⁴ Naugna Lord nomi God ghotilo na ginauna tei balumi ghotilo mala magra balumi ghotilo ka nomi naoka re, eghuteuna mana ginauna togho ghami ghotilo mala uluni ghotilo magra tuana.’

Diutronomi 20:4 ပူးပေါင်းရင်းမြစ်များ

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Diutronomi 11:25

Eghuteuna kate tei ghotilo ka glose igne na, ginauna theo kaisei naikno nate kegra fanogra ghami ghotilo na, naugna Lord nomi God ghotilo na ginauna edi naiknore mala mhaghu ghami ghotilo jateula teke nhaꞌa chekenihi mana ka ghotilo ia eghu.

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Diutronomi 31:6

Eghume ghotilo farerheta gaoghathomi are, eghuteuna ghotilo mala kegra heta leghu fata. Thosei mhaghu nei bobolo nomi eghu, naugna Lord nomi God ghotilo na au balumi ghotilo. Mana ginauna na theome tei koko ghami ghotilo, ba ghatho iho ghami.”

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Ululahu Samuel 14:23

ne aknu falehedi, magra igne ne ghilei tei salaꞌu ka namono Bet-Aven. Ka narane tuana, Lord ne thofno toghoni armigna Israel ne uluni magra igne.

Ululahu Kronikols 14:15

Eghuteuna ghotilo ginauna nomhini naogla te jateula naikno te nolo ke klignadi gaju balsam ra teuna. Eghuteuna kate nomhini igne, ghotilo faghose tei magra ka mare, naugna iara na kulu tei ke ulumi ghotilo, eghuteuna ghotilo ginauna uludi mare.”