Diutronomi 20:2 - Buka Blahi Ka Cheke Holo

² Aonu kate tarabana ghotilo te mala tei ka magra na, kaisei mae pris mala mei kegra ke ulumi ghotilo mala cheke ka nomi armi ghotilo na.

Diutronomi 20:2 ပူးပေါင်းရင်းမြစ်များ

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Naba 31:6

Mae Moses ne kuru teidi mare mala tei ka magra na. Aonu mae Moses jaola ne vahini mae pris Finehas, thugna mae pris Eleasa na mala tei baludi mare. Mae Finehas gne mala atha tei keha glepo te blahire baludi keha trampet ka magra na.

Ululahu Samuel 14:18

Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Ululahu Samuel 17:32

Mae Devet tei ne filoni king ne cheke eghu, “King, theome tangomana tahati te mhaghuni mae soldia gna Filistia tuana! Iara nou mae gloku iagho gne ginauna tei magra ka maegna Filistia tuana.”