Diutronomi 20:18 - Buka Blahi Ka Cheke Holo

¹⁸ Jame te theo na, mare ginauna farirhiu ghami ghotilo mala leghudi ghotilo puhidi mare te diꞌa re mala tarai ka nodi god mare are. Eghuteuna jame te eghu ghotilo na, ghotilo ginauna eni nakhibo biꞌo ranghini Lord nomi God.

Diutronomi 20:18 ပူးပေါင်းရင်းမြစ်များ

Eksodas 23:33

Ghotilo thosei snakredi naikno tuare mala au ka nomi kantri na. Jame te snakredi ghotilo te au mare balumi ghotilo na, mare ginau na huhuru ghami ghotilo mala pogho soru ka nodi god thedire.”

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Eksodas 34:16

Glahu atha ghotilo thudi gaꞌase mare tuare mala tolaghi ka thumi nalhaꞌu re, ka nafnata puhi igre, goro gaꞌase tuare ginauna korho thumi nalhaꞌu ghotilo tuare mala tei koko ghau iara mala tei leghudi nodi god naikno bongihehe igre.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Jajis 2:3

Eghume iara na cheke fadoglo ari ka ghotilo gognarona, jame te tei magra ghotilo ka naikno te au agne Kenan igre, iara ginauna na theome togho ghami ghotilo mala uludi mare. Nu mare ginauna goigoni ghami ghotilo, eghuteuna nodi god mare igre ginauna jateula kaisei phighoro eghu mala khale ghotilo tagna.”

Diutronomi 18:19

Mana ginauna cheke ka nanghagu iara, eghuteuna ihei te theome leghuni mana na, iara ginauna parani mae igne.

Eksodas 34:12

Filo ghami themi, na eghunu eni ghotilo kaisei nhaꞌa cheke te mala au fakeli baludi naikno te au ka glose aheva nate tei ghotilo tagna, glahu jateula kaisei phighoro eghu nhaꞌa cheke tuana mala goigoni ghami ghotilo.

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Diutronomi 20:17

Ghotilo mala aknu falehe hui naikno ka vike igre: vikegna mae Het, nei vikegna mae Amoa, nei vikegna mae Kenan, nei vikegna mae Peris, nei vikegna mae Hivi, nei vikegna mae Jebus. Ghotilo kafe falehedi hui, jateula teke cheke ranghi ghami Lord ia eghu.

Diutronomi 20:19

“Kate au faligohoni te magra ghotilo ka kaisei namono na, ghotilo kato soru gaju mala hata paꞌe soru gringni thina biꞌogna namono tuana, nu neuba ghotilo ne au raugha jare, ghotilo thosei kato soru gaju te au sisidi re eghu. Naugna gaju igre theome naoka ranghi ghami ghotilo, eghume ghotilo tangomana te ghamu sisidi gaju igre.

Fapea Kings 21:3

Mana tei neke babana fapulo nodi vido blahi mae bongihehe teke paꞌe soru kmagna mana mae Hesekaea ra. Mana horo olta mala tarai ka Baal, eghuteuna horo kaisei mumuju gaꞌase Asera, jateula teke edi King Ehab gna Israel tifa ra neu. Eghuteuna mae Manase jaola neke tarai ka nathunu.

Eksodas 23:32

Ghotilo thosei eni kaisei nhaꞌa cheke baludi naikno tuare ba ka nodi mumuju god re.

Diutronomi 18:9

Mae Moses ne cheke eghu, “Kate tei ghotilo ka glose aheva Lord nomi God teke tusu lao ka ghotilo na, ghotilo thosei leghudi puhidi naikno te diꞌa te au ka vido tuana.