Diutronomi 20:11 - Buka Blahi Ka Cheke Holo

¹¹ Jame te faꞌuveni mare nomi cheke ghotilo na te tothora ka ghotilo grengathagna namono na, naikno te gnafa te au ke lamnagna namono igne ginauna mala nomi naikno sneka ghotilo, eghuteuna ghotilo ginauna tangomana te huhurudi mare te mala edi nomi gloku ghotilo re.

Diutronomi 20:11 ပူးပေါင်းရင်းမြစ်များ

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Nodi Khoje Hatimare Mae Jiu 120:7

Neubane magnahaghei pharikeli iara na, mare magnahaghei magra kolho.

Jajis 1:28

Kate kmana te vuragha naiknodi Israel igre na, mare ne huhurudi naiknodi Kenan igre mala nodi naikno gloku. Nu neubane naiknodi Israel igre kmana, mare theome khi fajifladi naiknodi Kenan igre.

Josua 16:10

Vikegna mae Efrem igre theome ngolhi teidi kolho naiknodi Kenan te au ka namono Gesa. Mare au fodu kolho baludi mare mei posa gognarogne, nu vikegna mae Efrem igne huhurudi naiknodi Gesa mala loku jateula naikno sneka eghu.

Josua 9:27

Nu mae Josua ne snakredi naiknodi Gibeon igre te mala nodi naikno gloku mare te mala uge gaju nei mala pulei khoꞌu, nei jaola khoꞌu malagna nogna olta Lord. Mare eni fabrahu gloku igne ghilei mei posa gognarogne ka namono teke vahini Lord te mala pogho soruni mana nogna naiknore.

Diutronomi 20:10

“Kate tei magra ghotilo ka kaisei namono biꞌo na, ulu lahu na ghotilo tusu ranghidi pharikeli.

Diutronomi 20:12

Nu jame tirodi au ka pharikeli naiknogna namono tuana te magnahaghei magra mare na, nomi soldia ghotilo are kegra faligohoni namono tuana mala magra.

Josua 9:8

Mare ne cheke eghu ka mae Josua, “Ghehati tarabanau kolho te mala nou sneka iagho na.” Mae Josua ne ghusna eghu ka mare, “Mae iheire si ghotilo ia? Ghotilo mei funumi aheva?”

Fapea Kings 6:22

Nu mae Elisa ne cheke eghu ka mana, “Theo, iagho thosei falehedi mare. Jame te lokidi iagho ka magra na, iagho thosei aknu falehedi mare. Theome doglo te eghu iagho na. Iagho faghamudi nei fakoꞌudi eghu, eghuteuna ke kuru fapulodi ka nodi king na.”

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Ululahu Kings 5:1

King Hiram mae biꞌo gna Taea igne mana kaisei kheragna keli King Devet. Eghuteuna kate nomhini mana mae Solomon te king tughuni mae kmagna na, mana ne kurudi keha nogna mae mala tei filoni mana.