Diutronomi 2:7 - Buka Blahi Ka Cheke Holo

⁷ “Ghotilo thosei ghatho ihoni Lord, nomi God, mana fablahi ghami ghotilo ka gobigna lepo te edi ghotilo re. Phiatutu finogha te nolo tafri tahati ka namono nagou igne, mana neke reireghi fakeli ghami ghotilo, eghuteuna ghotilo neke theome kmoꞌe ka kaisei glepo.”

Diutronomi 2:7 ပူးပေါင်းရင်းမြစ်များ

Luku 22:35

Mae Jisas ne cheke eghu ka mae khurure, “Kate kuru fajifla ghami iara tifa na ghotilo neke theome hata balumi sileni, gloi, ba sadol. Ba, ghotilo neke magnahaghei glepo sia?” Hatimare ne cheke eghu ka mana, “Theo!”

Nehemaea 9:21

Phiatutu finogha iagho reireghi fakelidi ke lamna namono nagou, eghuteuna mare theome kmoꞌe ka kaisei glepo. Nodi pohere theome breku, eghuteuna ghahedire theome huge nei kabru.

Diutronomi 29:5

Lord neke cheke eghu ka ghotilo, ‘Phiatutu finogha iara neke batu ghami ghotilo ke lamna namono nagou, eghuteuna nomi pohe nei nomi slipa teu ghotilo re neke theome breku ba neke theome diꞌa.

Nodi Khoje Hatimare Mae Jiu 31:7

Iara keli tagu nei glealeꞌa eghu fara ka iagho eigna iagho ne kokhoni ghau iara kate filo meidi te diꞌanagnafa nei au papara teu iara gre.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Nodi Khoje Hatimare Mae Jiu 90:17

Lord, iagho ngala nomi funei ghehati na. Tusu mei sagho glepo te keli ka ghehati. Togho mei ghami sagho ka gobigna lepo te edi ghehati ra mala ke edi fakeli ghehati.

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Jenesis 24:35

Lord neke fablahini nogu mae funei iara na. Nogu mae funei iara igne mana kaisei mae dedei fara. Naugna Lord neke tusu ranghini mana kmana buluka, sipu, gol, silva, mae gloku, gaꞌase gloku, kamel nei dongki eghu.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Jenesis 30:27

Mae Laban ne cheke eghu ka mana, “Uve, igne unha nate chekeni iara ka iagho na. Iara neke magnahaghei laseni gaoghathogna Lord na, nu igne unha teke laseni iara na eghu, Lord neke fablahi ghau iara, naugna iagho neke loku ranghi ghau iara.”

Naba 14:33

Eghuteuna thumi ghotilo re ginauna nolo tafri ka namono nagou igne nabagna phiatutu finogha. Naugna ghotilo ne theome ghatho tahu ghau iara, eghume thumi ghotilo re ginauna au papara naugna puhi te diꞌa te edi ghotilo. Mare ginauna au papara ghilei thoke kate thuru lehe teu ghotilo ka namono nagou gne.

Naba 14:34

Ghotilo ginauna au papara eidi nakhibomi themire nabagna phiatutu finogha, te kaisei finogha teuna kaisei narane kolho ka phiatutu narane teke tei filo nabotho phei mae ka vido tuana ia. Eghuteuna ghotilo ginauna laseni te tirogu ghami iara na!’

Naba 32:13

Lord ne diꞌatagna fara ka naiknodi Israel ne fanolo tafridi mare ka namono nagou na nabagna phiatutu finogha ghilei lehe thudi, nei gradi teu mae iheire teke edi puhi te diꞌa tifara.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Diutronomi 2:6

Eghume kate tei ghotilo ka namono igne, ghotilo ginauna foli gano nei khoꞌu eghu ka mare.’

Diutronomi 2:14

“Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Nodi Khoje Hatimare Mae Jiu 107:4

Keha ka tahati tei tafri ka namono nagou te theo nabrougna na, eghuteuna mare theome tangomana te filo deni kaisei namono biꞌo te mala au tagna na.

Profet Jeremaea 2:2

“Jeremaea, iagho tei cheke ka naikno te gnafa te au ka namono biꞌo Jerusalem, Lord ne cheke eghu: “Iara ghathoni fabrahu narane teke ghatho tahu ghau iara ghotilo ia. Ka narane igne ghotilo neke thofno namha ghau iara jateula gaꞌase te tolaghi majaghani te namhani fara khetogna na ia neku. Ghotilo neke leghu ghau iara fabrahu ka namono nagou te theome tangomana kaisei naikno te joꞌu gano tagna ia.

Profet Hosia 13:5

Iara neke reireghidi kuꞌemi ghotilora ke lamna namono nagou te brana fara ia.

Profet Emos 2:10

Iara neke hata fajifla ghami ghotilo Ijep. Eghuteuna batu ghami ke lamna namono nagou nabagna phiatutu finogha. Eghuteuna tufa ka ghotilo nodi vido glose vikegna mae Amo.”

Jenesis 39:3

eghuteuna mae Potifa gne laseni mae Josep gne Lord na e au balugna mana. Naugna igne gobigna lepo te edi mae Josep re ne thofno horoghoto fara ka gaoghathogna mae Potifa re.

Eksodas 16:35

Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,

Naba 22:12

Aonu Lord neke cheke eghu ka mana, “Iagho thosei tei baludi mare. Eghuteuna iagho thosei ke tibridi mare mala thokedi hoholo, naugna iara neke fablahidi naikno igre.”

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.