Diutronomi 2:5 - Buka Blahi Ka Cheke Holo

⁵ Ghotilo thosei magra ka mare, naugna iara ginauna na theome tufa kaisei nodi vido glose mare ka ghotilo. Naugna iara neke tufahi namono ka thogele Seia na igne ka vikegna mae Iso kolho.

Diutronomi 2:5 ပူးပေါင်းရင်းမြစ်များ

Josua 24:4

eghuteuna ke leghu na, Isak ne fakarhidi Jekop ghe Iso. Iara neke snakre lao ka Iso thogele Idom. Nu kuꞌemi ghotilo Jekop baludi thugna re mana soru neke au Ijep.

Jenesis 36:8

Aonu mae Iso tei ne au soru ka thogele ro ka kantri Idom. Namono igne tifa na mare kiloni Seia.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Mae Khuru 7:5

Ka narane tuana God neke theome ke tusu lao kaisei vido glose ka mae Ebraham, thono theo fara, theo kaisei vido glose teke tusu lao God ka mana na. Nu neubane theo thugna ngau mae Ebraham, God neke nhaꞌa cheke ka mana nei naikno nate karha mei ka vikegna mana igre te mala khotogna namono igne ginauna.

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Profet Daniel 4:25

Naiknore ginauna brue fajifla nigho iagho. Eghuteuna iagho ginauna tei au baludi buluka, sipu, nanigot nei hose teu mata are nabagna fitu finogha mala ghamu buburu jateula buluka eghu. Eghuteuna iagho ginauna na thuru kosi fari hotei glalaba, eghuteuna nakhete bongiro ginauna soru mei ke klignamu. Iagho ginauna eghu fabrahu ghilei filo glani iagho God mae ihei te fnakno kligna lahu igne. Eghuteuna Mana funei frunidi naikno te gnafa heva heva ka nauthoglu igne. Eghume, God igne ngala mae ihei te tangomana te tusu lao nolaghi ka mae ihei te mala mae king na.

Profet Jeremaea 27:5

‘Ka nogu nolaghi biꞌo, iara neke vuavuha nauthoglu igne baludi naikno nei gobigna lepo fateote'o te au ke lamna gna. Eghuteuna iara tufa glepo igre ka ihei te vahini iara na.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Diutronomi 2:6

Eghume kate tei ghotilo ka namono igne, ghotilo ginauna foli gano nei khoꞌu eghu ka mare.’

Diutronomi 2:22

Lord neke eni puhi igne neke toghoni vikegna mae Iso te au Idom igre. Mana neke falehedi naiknodi Hoa, eghume vikegna mae Iso igre ne hata kasa nodi namono mare na ne au tagna ne ghilei mei posa gognarogne.

Jenesis 36:9

Igne u thoutonu eigna mae Iso na. Mana teke kmadi mae Idom gre neke au ka thogele Seia.

Profet Esikiel 35:2

“Maegna ka nauthoglu. Filo tei sagho ka kantri Idom, ka thogele Seia, mala chekeni cheke igne ranghini kantri tuana.