Diutronomi 2:36 - Buka Blahi Ka Cheke Holo

³⁶ Ka narane tuana, Lord neke togho ghita tahati neke hata nodi namono mare te funu Aroa ka geri Khoꞌu Anon, nei namono ka sare rhegna khoꞌu igne, tei posa ke raru namono Gilead. Theo kaisei namono te bara thina te haghe fara ba maku fara te mala theome tangomana tahati te uluni na.

Diutronomi 2:36 ပူးပေါင်းရင်းမြစ်များ

Josua 13:9

Nodi glose mare igne, funu ka namono Aroa rhegna sare khoꞌu Anon nei ka namono te au farihotei glogu nei sare Medeba tei posa ka namono Dibon.

Diutronomi 3:12

Mae Moses neke cheke eghu, “Kate hata tahati nodi glose mare ke maghati Khoꞌu biꞌo Jordan ra, iara neke tufa glose igre ka thilo vike tahati igre. Glose ke biꞌogna na baludi namono te au ke lamnagna glose igne iara neke tusu lao ka vikedi mae Ruben, nei ka vikegna mae Gad teure, funu ka namono Aroa ke mata Khoꞌu Anon, eghuteuna tei posa ka nohi ke raru Gilead namono te au thogelero.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Profet Jeremaea 48:19

Ghotilo naiknomi ka namono Aroa. Ghotilo tei kegra farihotei nabrou ofou jare, filodi iheire teke rikha ka kantri Moab ra. Ghotilo ghusna eghu ka mare, ‘Ei, unha site thoke ghami ghotilo gnea?’

Profet Isaia 17:2

Eghuteuna namono Aroa igne baludi namono te gnafa te au falithui igre ginauna krogha. Ginauna sipu nei nanigot eghu kolho nate ghamu tafri teu ka namono igne. Eghuteuna theo kaisei naikno nate au teu jare te mala famamhaghudire.

Josua 13:16

Nodi glose mare igne funu ke mata namono Aroa ke demei glogu Anon tei posani namono farihotei glogu tei posadi sare biꞌo te gnafa lithuini namono Medeba.

Josua 12:2

Kaisei na mae Sihon nodi king mae Amo. Mae igne au ka namono biꞌo Hesbon. Fofotagna kantri te funei fruni mana igne, funu ka namono Aroa rhegna sare khoꞌu Anon tei posa ka khoꞌu Jabok. Khoꞌu Jabok igne nohi te fotadi namono biꞌo Aroa ghe nohi Amon. Igne atha kaisei vido ka nohi Gilead.

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Eksodas 23:31

“Iara ginau na tusu ari ka ghotilo vido te funu ka grathagna ke mata ka Thonga Ukru igne tei posa ka Thonga biꞌo ke mosu Mediterenian. Eghuteuna funu ka Khoꞌu biꞌo Iufretis ke raru na tei posa ka namono nagou ke maghati. Eghuteuna iara ginau na tusu ari nolaghi ka ghotilo mala funei frunidi ghotilo naikno te au ka vido glose igne, eghuteuna kate tei ghotilo te ruma ka kantri igne na, ghotilo ginau na brue fajifladi naikno teke kulu au teku jare ra.

Naba 32:34

Aonu vikegna mae Gad re neke eni fakeli gringni thina biꞌo te bara ligohodi namono Dibon, Atarot, Aroa,

Jajis 11:22

Nodi glose vikegna Amoa te hata naiknodi Israel igre, funu ke mata khoꞌu biꞌo Anon soru posani Thongna Ukru nei ke mosu Khoꞌu biꞌo Jordan tei posa ke raru Khoꞌu biꞌo Jabok eghuteuna tei posa ke maghati namono nagou.

Jajis 11:26

Ghehati khotodihi phei namono Hesbon ghe Aroa, baludi namono ikodi te au faligohodi phei namono igre, nei baludi namono te gnafa te au ka keha philegna khoꞌu biꞌo Anon nabagna thilo gobi finogha gognarona. Igne thofno raugha farahi, eghume naugna unha ne theome mei hata ka ghehati tifa?

Fapea Samuel 24:5

Mare tei ne kasa ka khoꞌu Jordan, eghuteuna mare tei ne fufunu ka namono Aroa fari hotei glogu biꞌo ka nohi Gad. Funu jare mare tei ne salaꞌu ke raru namono Jasa.

Fapea Kings 10:33

King igne mei neke hata nodi vido glose mare ka keha phile ke maghati Khoꞌu biꞌo Jordan, funu ke raru ka nohi Besan, tei posa ka nohi Gilead, balugna namono Arona ke mata Khoꞌu Anon. Vido glose igre au ke maghati gna nodi vido glose mae Manase, mae Gad nei mae Ruben.

Josua 21:44

Lord ne tusu ranghidi pharikeli heva heva ke lamnadi glose aheva teke nhaꞌa cheke mana ranghidi kuꞌedi mare tifa ra. Eghuteuna ka narane igre, theo kaisei naoka te tangomana te uludi mare na, naugna Lord neke toghodi neke uludihi mare nodi naoka mare igre.