Diutronomi 2:34 - Buka Blahi Ka Cheke Holo

³⁴ Eghuteuna tahati neke uludi nodi namono mare re eghuteuna goigoni fahui nodi namono te gnafa mare igre. Eghuteuna tahati neke aknu falehe mae nalhaꞌu, nei goro gaꞌase nei goro thudi teu mare re. Ka narane igne, theo kaisei glepo te karha na ka namono igre.

Diutronomi 2:34 ပူးပေါင်းရင်းမြစ်များ

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Diutronomi 7:2

nu mana ginauna lisa ari naikno igre ka khamemi ghotilo, eghuteuna ghotilo ginauna uludi mare. Ka narane tuana, ghotilo mala aknu falehedi gnafa. Ghotilo mala thosei eni kaisei nhaꞌa cheke te mala au fakeli baludi mare na. Eghuteuna ghotilo mala thosei kokhonidi mare.

Diutronomi 3:6

Ka narane igne, tahati neke goigonihi nodi namono biꞌo nei namono ikodi teu mare re, eghuteuna tahati neke aknu falehe nalhaꞌu, gaꞌase, nei goro sua, jateula teke eni tahati ka nogna namono King Sihon mae ihei teke funei Hesbo.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Josua 7:11

Ghotilo tapla jafrahi ka nakhibo. Ghotilo huhughunihi nhaꞌa cheke teke eni iara balumi ghotilo ia. Ghotilo blauhi keha glepo mala thosei hata ghotilo teku iara ra.

Diutronomi 7:26

Ghotilo thosei hata mei kaisei glepo te diꞌa igre ka sugami re. Jame te eni ghotilo igne na, Lord ginauna goigoni ghami ghotilo jateula mana te goigonidi glepo igre eghu.”

Josua 9:24

Mare ne cheke eghu ka mae Josua, “Mae biꞌo, ghehati ginauna eni tuana, naugna ghehati lasenihi eigna Lord nomi God ghotilo igne neke chekehi ka mae Moses, nogna mae gloku mana tifa ia, mana ginauna tusu ari namono igne ka ghotilo. Eghuteuna kate mei ghotilo ke lamnagna namono igne, ghotilo ginauna falehe ghami ghehati gnafa. Eghuteuna ghehati jaola laseni cheke igne thofno tutuani fara, naugna igne ghehati mhaghu ghami ghotilo fara. Eghume, ghehati mala eni igne gognarona, naugna ghehati theome magnahaghei te lehe na.

Josua 6:21

Mare ne thofno aknu falehe ne hui ka naflahi gaꞌase ba nalhaꞌu, mae majaghani, ba mae biꞌo, baludi buluka, sipu, nei dongki.

Josua 10:28

Ka narane tuanala mae Josua ne hata namono biꞌo Makeda. Mana aknu falehe ne gnafa naikno gna namono igne. Mana ne eni nafnata puhi igne ka mae king gna namono Makeda jateula teke eni mana ka mae king gna Jeriko ia neu.

Josua 10:40

Mae Josua ne magra heta fara ne uludi namono biꞌo te gnafa te au ka vido igne. Mana tapla faparidi ne gnafa hatimare mae king te au ka thogele ke holo, ka nohi ke mata Negev, ka fanukhu ke mosu, nei ka vido rhegna ke maghati khoꞌu Jordan. Mana aknu falehedi ne gnafa mae king te gnafa nei naikno te gnafa teu te au ka vido te gnafa igre. Mae Josua ne theome magnahaghei te karha kaisei na, naugna God nodi Lord maedi Israel igre neke chekehi ka mare.