Diutronomi 2:23 - Buka Blahi Ka Cheke Holo

²³ Eghuteuna jateula igne neu namono te au rhegna Thongna Mediterenian, naiknodi Krit igre hata kasa ne au tagna. Tifa te mei na, namono igre nodi namono vikegna Avim, nu naiknodi Krit igre neke aknu falehedi neke gnafa, eghuteuna mare neke hata kasa ka mare nodi namono mare igre ne tei posa ke mata Gasa.)

Diutronomi 2:23 ပူးပေါင်းရင်းမြစ်များ

Profet Emos 9:7

Lord ne ghusna eghu ka naiknodi Israel, “Ne ghatho tahu ghami kolho iara uludi naiknodi Kus eghu jau si ghotilo gaoghathomi na? Theo! Tutuani, kani au teku ghotilo ka kantri Ijep, iara neke hata fajifla ghami ka namono tuana. Nu filo si ghotilo! Naiknodi Filistia ra iara neke hata fajifladi Krit. Eghuteuna naiknodi Siria ra, iara neke hata fajifladi Kira.

Profet Jeremaea 47:4

Narane te mala goigonidi naiknodi Filistia igne la thoke meihi. Uve, Lord ginauna falehedi naiknodi Filistia, iheire teke jifla mei ka moumolu Krit tifa ra. Mana ginauna eni igne mala theome tangomana mare te toghodi phei namono Taea ghe Saedon jare Fonisia.

Profet Jeremaea 25:20

ba naikno phosa te mei au ka kantri Ijep. Eghuteuna iara na tusu lao waen igne ka mae king gna kantri Usi, ka mae king gna kantri Filistia te au ka namono Askelon, Gasa, Ekron nei naikno te au faleghu ka namono Asdod,

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Profet Sekaraea 9:5

Kate filoni naiknodi Askelon namono Taea te groꞌe na, mare ne mhaghu nodi fara. Eghuteuna naiknodi Gasa igre jaola ne diꞌa nagnafadi fara. Naiknodi Ekron igre jaola diꞌa nagnafadi, eghuteuna gaoghathodi re ne thofno glaꞌe soru fara. Gasa ginauna theo nodi funei, eghuteuna Askelon ginauna krogha na theo kaisei naikno nate au tagna na.

Profet Sefanaea 2:4

Kate roꞌeni Lord kantri Filistia igne, theo kaisei naikno nate au faleghu ka phei namono biꞌo Gasa ghe Askelon. Mae naokare ginauna mei hata fajifla gnafa naikno te au ka namono Asdod ka kaisei vido narane kolho. Eghuteuna mare na jaola hata fajifla naikno te au ka namono Ekron.

Ululahu Kings 4:24

Mana funei frunidi kantri ke mosu Khoꞌu biꞌo Iufretis, fufunu ka nohi Tifsa tei posa ka nohi Gasa. Eghuteuna mana loku fodu kantri te au faligoho igre mala au ka pharikeli.

Ululahu Kronikols 1:12

mae Patrus, mae Kasluhu nei mae Krit. Eghuteuna naiknodi Filistia gre neke karha mei ke leghugna mae Krit.

Jenesis 10:19

Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

Josua 10:41

Mae Josua kafe uludi ne gnafa namono te gnafa funu ke mata Kades Banea tei posa ka gratha Gasa, eghuteuna ke funu Gosen tei posa ke raru namono Gibeon.

Josua 11:22

Theo kaisei ka vikegna Anak te au teu Israel. Nu theome kmana kolho te au teu ka namono Gasa nei Gat nei Asdod.

Josua 15:47

Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

Jajis 1:18

Lord ne toghoni vikegna Juda mala uluni mare vido glose holo ka thogelero. Nu mare theome tangomana te uludi thilo namono Gasa, Askelon nei Ekron nei namono rhedi thilo namono igre. Naugna namono igre au nodi chariot mala magra te au wil aean tadi.

Fapea Kings 18:8

Mana tei magra Filistia ne uludi mare, aonu mana vavaro nodi gobigna lepore funu ka namono ikodi tei posa ka namono biꞌo. Eghuteuna mana neke uludi namono te gnafa igre ne ghilei tei posa Gasa nei vido te gnafa te au faligohoni namono biꞌo igne.