Diutronomi 2:21 - Buka Blahi Ka Cheke Holo

²¹ Mae igre brahu fara jateula mae ka vikegna Anak igre eghu. Tifa na, mae igre neke kmana fara, eghuteuna mare mae nheta fara, nu Lord neke kafe falehe fahuidi gnafa. Eghuteuna vikegna mae Amon igre neke ngolhi fajifladi neke hata kasa namono igne.

Diutronomi 2:21 ပူးပေါင်းရင်းမြစ်များ

Jajis 11:24

Kemos gne nomi god ghotilo na, eghuteuna jame hata mana keha glose te tusu ari ka ghotilo na, uve ghotilo tangomana te khotodi re. Eghuteuna jateula tuana eghu, Lord na nomi God ghehati, eghuteuna kate hata kasa mana glose igne te tusu mei ka ghehati na, uve, ghehati te khotogna na.

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Diutronomi 2:22

Lord neke eni puhi igne neke toghoni vikegna mae Iso te au Idom igre. Mana neke falehedi naiknodi Hoa, eghume vikegna mae Iso igre ne hata kasa nodi namono mare na ne au tagna ne ghilei mei posa gognarogne.

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Diutronomi 2:20

(Uve, tifa te mei na, nodi nohi vikegna Amon igne nodi namono mae nheta te kilodi mare Refaem. Nu naiknodi Amon igre kilodi mae igre Samsumim.