Diutronomi 2:14 - Buka Blahi Ka Cheke Holo

¹⁴ “Nu tolufulu nhana finogha funu ka narane teke jifla tahati Kades Banea, te ghilei mei posa ka narane te kasa tahati ka Khoꞌu Sered. Eghuteuna ka narane tuare, mae te nabadi te mala magra ka magra biꞌo ra mare la kafe lehehi ke lamna namono nagou jateula teke chekeni Lord ia neu.

Diutronomi 2:14 ပူးပေါင်းရင်းမြစ်များ

Profet Esikiel 20:15

Nu kani au nga teku naiknodi Israel gre ka namono nagou na, iara neke cheke faheta ka mare eigna iara ginauna na theome batudi mare tei ka famane namono aheva teke tusu lao iara ka mare na. Namono tuana thofno keli fara salaꞌudi keha kantri te gnafa ka nauthoglu igne. Glosegna na thofno keli fara, eghuteuna leuleghu fata na au kmana gano tagna.

Nodi Khoje Hatimare Mae Jiu 95:11

Iara diꞌatagu fara ka mare, naugna igne iara neke cheke eghu, “Ghotilo ginauna theome tei thoke ka kantri teke magnahagheni fara te tusu ari ka ghotilo mala gnafa.”

Nodi Khoje Hatimare Mae Jiu 106:26

Aonu mana ne eni kaisei cheke te thono nheta fara te mala lehe mare ke lamnagna namono nagou na.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Naba 13:26

Aonu mare neke pulo namono Kades ka namono nagou Paran te au mae Moses ghe mae Eron baludi naikno te gnafa Israel. Aonu mare ne cheke fajifla gobi lepo teke tei filodi thedire, nei jaola fakakhana nure grep te pala te mei thedire.

Letas Teke Rioriso Mae Jud 1:5

Neubane lasedihi ghotilo igre, iara magnahaghei ghami ghotilo teke ghatho fapuloni noda Lord teke fakarhidi naiknodi Israel, ka teke hata fajifladi mana Ijep. Nu ke leghugna igne mana neke falelehe fahui iheire teke theome fatutuani nei theome leghuni chekegna.

Ululahu Korin 10:5

Neuba God neke toghodi ngau, kmana theome thofno leghuni mana. Eghume God neke diꞌatagnadi fara nei falehedi neku ke lamnagna namono nagou na.

Nodi Khoje Hatimare Mae Jiu 90:9

Kate diꞌatamu na, iagho fakmoꞌei arini kolho naranemi ghehati te mala au ka nauthoglu igne na. Uve, ghehati ghosei lehe kolho jateula vido gaghafa te mei nei ghosei me salaꞌu ari teu ia eghu kolho.

Nodi Khoje Hatimare Mae Jiu 90:3

Kate lehe na iagho nake hata fapulo ghami ka glose mala ke vuhai nakrofu. Uve, iagho nake atha fapulo ghami ghehati ka glose teke vuavuha ghami iagho na.

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Diutronomi 2:7

“Ghotilo thosei ghatho ihoni Lord, nomi God, mana fablahi ghami ghotilo ka gobigna lepo te edi ghotilo re. Phiatutu finogha te nolo tafri tahati ka namono nagou igne, mana neke reireghi fakeli ghami ghotilo, eghuteuna ghotilo neke theome kmoꞌe ka kaisei glepo.”

Diutronomi 2:13

Aonu mae Moses neke cheke eghu, “Lord neke cheke eghu, ‘Gognarona, ghotilo kegra haghe kasa ka Khoꞌu Sered.’ Eghume tahati na eni unha te chekeni mana na.

Diutronomi 2:16

“Eghuteuna kate lehe te gnafa mae soldia re,

Josua 5:4

Thoutonu eigna te vahe igne neke eghu: Ka narane teke jifla mare Ijep igne, mae biꞌo nei mae majaghani teure neke kafe vahehi. Naugna te theome leghuni Lord maedi Israel igre na, mana ne lisei ranghidi kaisei papara biꞌo. Papara igne neku agne: Kate jifla mei mare Ijep na, mae te gnafa te nabadi te mala au ka armi na, mare na theome tangomana te tei thoke ka famane kantri aheva teke nhaꞌa chekeni Lord ka mae biꞌodi Israel tifa ra. Naugna mae te mala tei ka magra re, mare neke kafe lehe ka narane teke tei tafri mare ke lamna namono nagou nabagna phiatutu finogha. Aonu Lord ne vahidi thudi mae teke lehe igre mala ke tughudi mare. Aonu mae Josua ne vahe mae majaghani nei mae biꞌo teu igre, naugna kani teke tei tafri mae Israel igre ka namono nagou na, mare neke theome vahe.

Josua 24:7

kuꞌemi ghotilo ra neke tanhi mei ka iara mala togho ghami ghotilo, aonu iara neke lisei soru gromno biꞌo farihoteimi ghotilo nei maedi Ijep. Iara jaola neke eni thongna biꞌo na mei toku tafrudi maedi Ijep teke ngolhi ghami ghotilo igre. Eghuteuna mare ne kafe knoho ka thongna igne. Ghotilo la filodihi unha teke edi iara ka maedi Ijep ka narane tuana. “ ‘Ghotilo neke au kmana finogha ke lamna namono nagou,

Nodi Khoje Hatimare Mae Jiu 90:15

Faglealeꞌa ghami ghehati sagho, mala ghatho ihodi ghehati diꞌanagnafa biꞌo teke thoke ghami ka finogha tifa ra.

Naba 1:1

Ka fapea finogha ke leghugna te jifla Ijep, Lord neke cheke ka mae Moses ke lamnagna Suga Thapuale te Blahi na ka namono nagou Sanai. Ka narane ululahu ka fapea nhigra ka finogha tuana, Lord neke cheke eghu ka mae Moses,