Diutronomi 19:5 - Buka Blahi Ka Cheke Holo

⁵ Kaisei cheke naba, jame kaisei mae balu kheragna, phiamare nolo tei mata mala uge gaju. Eghuteuna mae igne kato soru kaisei gaju, aonu nogna nhirama mana na snamhu flada tei kahini mae kheragna mana na aonu mala lehe ka narane tuana. Te eghu na, mae igne tangomana te rikha te tei poru ka kaisei namono mala poru, mala karha jare.

Diutronomi 19:5 ပူးပေါင်းရင်းမြစ်များ

Profet Isaia 32:2

Mae igre jateula kaisei vido te rheta te mala poru ka nuri nei nakhete teura eghu. Mae igre ginauna na jateula glokha khoꞌu te fura haghe ka namono nagou ra eghu, ba jateula kaisei naungo thina biꞌo te mala poru ka naprai ra eghu.

Proveb 27:12

Mae te lalase na, mana filoni puhi biꞌo, mana tei ka vido te keli. Mae te theome lalase na, mana au fabrahu ka puhi biꞌo, eghuteuna mana au papara.

Naba 35:25

Eghuteuna jame te laseni mare te fiti lehe mana ka hoholo na, ghotilo ginauna lhotini kheragna mae te lehe igne mala thosei ke edi keha glepo ka mae te aknu poru na. Ghotilo ginau ke kuru tei ka kaisei namono mala poru mana. Mana mala au jare ghilei thokeni narane mala lehegna mae pris biꞌo na.

Diutronomi 19:4

“Jame kaisei mae theome ghathoni te mala diꞌatagna na nei theome ghathoni kolho te mala aknu faleheni keha mae na, nu keha mae igne lehe teuna, ghotilo snakreni mae igne rikha tei mala poru ka kaisei ka thilo namono igre.

Diutronomi 19:6

Jame kaisei namono kolho ghotilo te mala poru na, eghuteuna khaba fara te mala ghosei te tei thoke ka namono mala poru igne, kheragna mae te lehe igne na hironi mae igne ghilei thokeni mana. Eghuteuna ke tughu fapulo glehe igne naugna mana thono diꞌatagna fara. Nafnata puhi igne theome doglo, naugna mae igne theome ghathoni te mala diꞌatagna na nei theome ghathoni kolho te mala faleheni mae kheragna na.

Fapea Kings 6:4

Aonu mana ne tei baludi mare. Mare tei ne thoke ka khoꞌu Jordan ne funu kato gaju.