Diutronomi 19:4 - Buka Blahi Ka Cheke Holo

⁴ “Jame kaisei mae theome ghathoni te mala diꞌatagna na nei theome ghathoni kolho te mala aknu faleheni keha mae na, nu keha mae igne lehe teuna, ghotilo snakreni mae igne rikha tei mala poru ka kaisei ka thilo namono igre.

Diutronomi 19:4 ပူးပေါင်းရင်းမြစ်များ

Diutronomi 4:42

Thilo namono igre mala poru. Jame kaisei mae theome ghathoni te mala faleheni keha mae na, eigna mana neke theome diꞌatagna ka mana tifa, nu mana ne lehe. Mae igne tangomana te rikha te tei poru ka kaisei ka thilo namono igre mala theome faleheni mare.

Profet Isaia 30:33

Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.

Ululahu Kronikols 11:2

Tifa na Sol neke king fruni ghita tahati, nu neuba iagho nake batu ghami ghehati mala tei ka magra. Eghuteuna Lord na cheke ka iagho mala reireghi ghami ghehati nogna naikno mana re, eghuteuna iagho ginauna nomi king ghehati.”

Josua 3:4

Tahati neke theome mei thoke ka vido igne tifa na, eghume mae pris gre ginauna falalase nabrou na mala leghuni tahati. Nu ghotilo thosei tei namo ka Bokis Blahi igne. Ghotilo au fakhaba nabagna kaisei kilo mita.”

Diutronomi 19:6

Jame kaisei namono kolho ghotilo te mala poru na, eghuteuna khaba fara te mala ghosei te tei thoke ka namono mala poru igne, kheragna mae te lehe igne na hironi mae igne ghilei thokeni mana. Eghuteuna ke tughu fapulo glehe igne naugna mana thono diꞌatagna fara. Nafnata puhi igne theome doglo, naugna mae igne theome ghathoni te mala diꞌatagna na nei theome ghathoni kolho te mala faleheni mae kheragna na.

Jenesis 31:2

Mae Jekop jaola ne glani ni puhigna mae Laban na ne nhogri eigna mana theome magnahagheni mae Jekop te mala jateula teke tifa ra teuna.

Naba 35:9

Lord neke cheke eghu ka mae Moses,

Naba 35:12

Eghuteuna ka namono tuana, mana ginauna au fakeli nogna, naugna tharaknagna mae ihei teke lehe na ginauna theome tangomana teke tughu na, ghilei thokeni narane mala tei mana ka kot ke uludi naiknore.

Diutronomi 19:5

Kaisei cheke naba, jame kaisei mae balu kheragna, phiamare nolo tei mata mala uge gaju. Eghuteuna mae igne kato soru kaisei gaju, aonu nogna nhirama mana na snamhu flada tei kahini mae kheragna mana na aonu mala lehe ka narane tuana. Te eghu na, mae igne tangomana te rikha te tei poru ka kaisei namono mala poru, mala karha jare.

Fapea Samuel 14:11

Nu naikno biꞌo igne ne cheke eghu, “King, iara magnahaghei nigho iagho te cheke faheta ka nanghagna God, nou Lord mala thosei faleheni keha thugu iara na. Tutuani, ka noda vetula tahati na, vikegu iara igre tangomana te faleheni thugu iara na mala ke tughu fapulo najafra teke eni mana na. Nu iagho thosei snakreni igne mala faleheni mare thugu iara na.” Aonu king ne cheke eghu, “Ka nanghagna Lord mae ihei te karha te tifa, iara cheke kate tutuani ka iagho, theo ihei nga nate habo lao te faleheni thumu iagho na.”