Diutronomi 18:9 - Buka Blahi Ka Cheke Holo

⁹ Mae Moses ne cheke eghu, “Kate tei ghotilo ka glose aheva Lord nomi God teke tusu lao ka ghotilo na, ghotilo thosei leghudi puhidi naikno te diꞌa te au ka vido tuana.

Diutronomi 18:9 ပူးပေါင်းရင်းမြစ်များ

Levitikas 18:30

Eghume ghotilo mala leghudi farirhiu igre, eghuteuna ghotilo thosei leghudi naikno te diꞌa teke kulu au ka glose nate tei te au ghotilo tagna na. Ghotilo mala thosei edi glepo nate edi ghotilo te theome klino ka tathagu iara na, naugna iara Lord, nomi God ghotilo.”

Diutronomi 9:4

“Aonu ke leghugna teke kulu ulu Lord nomi God ghotilo na teke ngolhi fajifladihi naikno igre na, ghotilo thosei cheke eghu fari themi, ‘Lord neke hata mei ghami ghehati ka glose igne naugna ghehati gne doglo ka tathagna mana na!’ Theo, mana ginauna ngolhi fajifladi naiknore naugna mare ne leghuni puhi te diꞌa na.

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Fapea Kings 17:8

eghuteuna mare leghuni nodi kastom iheire Lord teke khi fajifladi ka nodi vido glose naiknodi Israel. Eghuteuna mare leghuni kastom majaghani teke farirhiu hatimare mae king di Israel.

Diutronomi 20:18

Jame te theo na, mare ginauna farirhiu ghami ghotilo mala leghudi ghotilo puhidi mare te diꞌa re mala tarai ka nodi god mare are. Eghuteuna jame te eghu ghotilo na, ghotilo ginauna eni nakhibo biꞌo ranghini Lord nomi God.

Fapea Kings 17:11

Eghuteuna mare gahu insens ke kligna olta, leghuni unha teke edi naikno tifa teke khi fajifladi Lord ka nodi vido glose naiknodi Israel ra. Eigna Lord neke thono diꞌatagna fara kate edi fabrahu naiknore puhi te diꞌa igre.

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Fapea Kronikols 36:14

Eghuteuna keha glepo na, nodi lida mae pris nei naiknore teu igre, mare leghuni puhidi naiknodi keha kantri te au faligohodi mare ra. Mare tarai nei tufru soru eghu ka keha god delei, eghuteuna mare goigoni nogna Sugablahi Lord teke fablahi mana Jerusalem.

Profet Jeremaea 10:2

Lord ne cheke eghu, “Thosei leghuni puhidi naiknodi keha kantri are. Eigna mare tangomana te filodi thua nafnata fagaglana te thakle mei ka maloa. Nu neuba mare ne mhaghudi fagaglana tuare, ghotilo thosei mhaghudi.