Diutronomi 18:3 - Buka Blahi Ka Cheke Holo

³ “Kate fafara ghotilo buluka ba sipu ba nanigot hata te mei naiknore, ghotilo tufa keha vidogna na ka mae pris. Te nafnata vido igre: fafragna, nei gagama na nei butugna.

Diutronomi 18:3 ပူးပေါင်းရင်းမြစ်များ

Diutronomi 12:27

Ka vido blahi igne kolho, ghotilo ginauna tangomana te hata te mei fafara te thofno krono na ke kligna gna nogna olta Lord nomi God. Eghuteuna keha nafnata fafara te edi ghotilo ra, ghotilo tangomana te ghamu nafnahigna na, nu dadaragna na, ghotilo tofa soru ke kligna olta.

Naba 18:11

“Keha nafnata fafara te ginau tufa mei naikno gre ka iara na, tuare jaola nou iagho. Iara ginauna tufa ari glepo tuare ka iagho baludi thumu nalhaꞌu nei thumu gaꞌase teu iaghore. Eghuteuna iheire te klino ka tathagu iara te au ka sugamu iagho are kolho te tangomana ima na.

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Eksodas 29:27

“Iagho lisei fadelei phei vido ka sipu nalhaꞌugna igne mala taofini mae Eron baludi thugna re. Igne baludi phei babango gna nei grege ghahe nhetagna eghu sipu igne mala pala mei haghe ke ulugu iara.

Eksodas 29:28

Igne vetula te mala leghuni fabrahu naiknodi Israel. Leuleghu fata fafara na mare gahu kolho vidogna na, eghuteuna mare ghamu keha vidogna na mala laseni mare te fofodu balugu iara na. Mare mala tusu lao phei vido igre ka mae Eron baludi mae pris ka vikegna mana mala ghamu. Igne nodi thufa naiknodi Israel ka iara Lord.