Diutronomi 18:14 - Buka Blahi Ka Cheke Holo

¹⁴ Mae Moses ne cheke eghu, “Naikno nate brue fajifladi ghotilo ka nodi glose re igre mare tangomana te leghudi nodi cheke mae te falehe naikno ba mae iheire te fafara te mala lasedi unha nate thoke mei. Nu nomi Lord God ghotilo na theome snakre ghami ghotilo te leghuni nafnata puhi te diꞌa igne na.

Diutronomi 18:14 ပူးပေါင်းရင်းမြစ်များ

Mae Khuru 14:16

Tifa te mei na God neke snakredi naiknore mala leghudi nodi gaoghatho thedire.

Diutronomi 18:10

Ghotilo thosei snakreni kaisei naikno mala gahu fafara thugna nalhaꞌu ba thugna gaꞌase na. Ghotilo thosei snakreni kaisei naikno mala fafara mala laseni eigna unha nate thoke mei ke leghu na. Ghotilo thosei snakreni kaisei naikno mala loku ka neilehe ba poesen.

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Profet Jeremaea 27:9

Eghume ghotilo thosei fanomho ka mae profet chaichaghi, ka mae khaekae, ka mae neilehe, ka mae glalase nei ka mae iheire te ruarutha mifi. Ghotilo thosei fanomho ka mae igre kate chekeni mare te mala thosei au ke pari gna nogna nolaghi king gna Babilonia teuna.

Profet Daniel 2:27

Mae Daniel ne cheke eghu ka mana, “King, theo kaisei mae khaekae, ba kaisei mae kastom, ba kaisei mae glalase te tangomana te ruruthani unha te magnahagheni iagho igne.

Profet Maeka 5:12

Iara ginauna atha koko nomi thina blahi te fatutuanidi ghotilo igre, eghuteuna iara ginauna aknu falehe naikno te au naitu nhaghe te mala chekedi gobigna lepo nate thoke mei.

Profet Isaia 2:6

Lord, iagho nodi God vikegna mae Jekop. Nu gognarona iagho figri tagrudi nou naiknore, naugna mare ne leghudi nodi thua nafnata kastom chaichaghi naiknodi ke maghati. Eghuteuna mare fariuriu chekedi unha nate thoke mei nathuꞌu nauriha, jateula maedi Filistia eghu. Eghuteuna mare jaola leghudi puhidi naikno bongihehedi keha kantri delei.