Diutronomi 18:12 - Buka Blahi Ka Cheke Holo

¹² Ihei te edi nafnata glepo igre, thono diꞌa fara ka tathagna Lord na. Uve, naugna igne mana na kulu tei brue fajifladi naikno te au ka glose tuana.

Diutronomi 18:12 ပူးပေါင်းရင်းမြစ်များ

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Diutronomi 9:4

“Aonu ke leghugna teke kulu ulu Lord nomi God ghotilo na teke ngolhi fajifladihi naikno igre na, ghotilo thosei cheke eghu fari themi, ‘Lord neke hata mei ghami ghehati ka glose igne naugna ghehati gne doglo ka tathagna mana na!’ Theo, mana ginauna ngolhi fajifladi naiknore naugna mare ne leghuni puhi te diꞌa na.

Levitikas 18:25

Nafnata puhidi mare igne fathonani glose na mala theome klino ka tathagu iara na, eghume iara na paradi naikno te au jare ra. Papara igne mala eni glose igne mala jateula mae ihei te rogna luꞌara eghu, eghume glose igne na luꞌa fajifladi naikno te au tagna re.

Diutronomi 14:27

Eghuteuna ghotilo thosei ghatho ihodi vikegna mae Livae te au balumi are, naugna mare theome khotogna kaisei vido glose te mala tobi nagare na.

Profet Esikiel 31:11

Uve, iara Lord God, tirogunihi mana, eghuteuna iara na snakre lao ka nodi king biꞌo keha kantri are mala parani fara mare eidi puhigna mana te diꞌa re.

Diutronomi 9:5

Theome naugna te keli nei doglo teu ghotilo na. Theo! Lord ginauna ngolhi fajifladi naikno igre naugna mare ne eni unha te diꞌa nei naugna teke nhaꞌa chekeni mana ka kuꞌemi ghotilo mae Ebraham, Isak nei Jekop mala tusu ranghi ghami ghotilo glose igne.

Diutronomi 22:5

“Gaꞌase na theome mala pipichi nogna pohe nalhaꞌu na, eghuteuna mae nalhaꞌu na theome mala pipichi nogna pohe gaꞌase na. Lord nomi God ghotilo na thono theome magnahagheni kaisei naikno te eni glepo igne.

Fapea Kings 23:24

King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.