Diutronomi 18:11 - Buka Blahi Ka Cheke Holo

¹¹ Ghotilo thosei snakreni kaisei naikno loku ka khakla gaju ba fadofra naitu ba cheke ka tharungadi naikno tela lehehi ra.

Diutronomi 18:11 ပူးပေါင်းရင်းမြစ်များ

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Eksodas 22:18

“Ghotilo falelehe goro gaꞌase te au naitu te mala falehe naikno are.

Levitikas 20:27

“Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Ululahu Samuel 28:8

Aonu mae Sol ne tughu nogna pohe na mala theome tangomana kaisei naikno te filo glani mana na. Kate romno na, mana ne atha phei mae balugna ne tei filoni naikno biꞌo na, ne cheke eghu ka naꞌa, “Iara magnahaghei nigho iagho te cheke ka tharungagna kaisei mae tela lehehi tifa ia mala laseni iara unha nate thoke mei ginauna. Iara ginauna na chekeni nanghagna mana na, eghuteuna iara magnahaghei nigho iagho te kilo meini mana.”

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Profet Isaia 8:19

Naiknore ginauna cheke ka ghotilo mala tei ka mae nalhaꞌu nei gaꞌase teu te lasedi kastom nei au naitu khora phaꞌu teura, ba cheke baludi iheire tela lehehi ra. Naikno igre cheke faꞌikoi ka thua nafnata cheke mala theome tangomana kaisei naikno te nomhidire. Nu ghotilo thosei fanomho ka mare. God kolho te mala tore ghotilo na! Ba, mala unha si naikno gre te toredi iheire tela lehehi ra te mala toghodi iheire te karha nga teu igrea?