Diutronomi 18:10 - Buka Blahi Ka Cheke Holo

¹⁰ Ghotilo thosei snakreni kaisei naikno mala gahu fafara thugna nalhaꞌu ba thugna gaꞌase na. Ghotilo thosei snakreni kaisei naikno mala fafara mala laseni eigna unha nate thoke mei ke leghu na. Ghotilo thosei snakreni kaisei naikno mala loku ka neilehe ba poesen.

Diutronomi 18:10 ပူးပေါင်းရင်းမြစ်များ

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Eksodas 22:18

“Ghotilo falelehe goro gaꞌase te au naitu te mala falehe naikno are.

Mae Khuru 19:19

Keha naiknore lase meresin mala falehe naikno. Eghuteuna mare salo ne mei nodi buka meresin re ne nako fahui ke uludi naikno te gnafare. Kate kakaha mare sileni teke folidi u buka te kmana igre, ne thokei glimafulu thogha silva koen.

Profet Isaia 47:13

Neuba iagho ne leghudi nodi cheke mae glalase te filo ka nathunu, ba keha glepo majaghani ka maloa, ba fariu riu chekedi unha nate thoke mei ginau. Neuba, iagho theo nou nolaghi. Mare jaola theome tangomana nate mei te fakarhi nigho iagho na.

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Fapea Kings 17:17

Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Ululahu Samuel 28:9

Nu naikno biꞌo igne ne cheke eghu ka mana, “Tore, iagho ihoni si teke khi fajifladi king Sol iheire te au meresin nei iheire te cheke ka naitu nhaghe teura? Iagho jau mei faꞌeiꞌei ghau iara mala mei mare falehe ghau iara eghu sini?”

Ululahu Samuel 28:7

Aonu mana ne cheke eghu ka nogna mae biꞌo re, “Ghotilo tei hironi kaisei naikno biꞌo te lase cheke ka tharungadi naikno tela lehe hira mala laseni iara cheke tughu gna na.” Mare ne cheke eghu ka mana, “Kaisei naikno biꞌo te lase cheke baludi tharungadi naikno tela lehehi tifa ra naꞌa au ka namono Endo.”

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.

Galesia 5:20

tufru soru ka mumuju, neilehe, majora, fapholai, goghotu, faheaheta, fabiꞌobiꞌo, famamagra, fafoafota,

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Mae Khuru 8:9

Nu kaisei mae te kiloi Simon te au ka namono tuana. Ame tei nga mae Filip jare teku na, mae Simon gne neke fajaglodi fara naiknodi Samaria re ka nogna naitu khaekae na. Mana kaisei mae te lase fahaehaghe fara nei kiloni thegna kaisei mae biꞌo.

Jenesis 44:5

Naugna unha site blau ghotilo nogna kapu nogu mae funei iara ia? U kapu te blau ghotilo ia ngala te mala koꞌu mana na. Eghuteuna kapu igne jaola te mala lasedi mana gaoghathodi u mifi re. Ghotilo la enihi kaisei najafra te diꞌa fara.’ ”

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Ululahu Samuel 28:8

Aonu mae Sol ne tughu nogna pohe na mala theome tangomana kaisei naikno te filo glani mana na. Kate romno na, mana ne atha phei mae balugna ne tei filoni naikno biꞌo na, ne cheke eghu ka naꞌa, “Iara magnahaghei nigho iagho te cheke ka tharungagna kaisei mae tela lehehi tifa ia mala laseni iara unha nate thoke mei ginauna. Iara ginauna na chekeni nanghagna mana na, eghuteuna iara magnahaghei nigho iagho te kilo meini mana.”

Fapea Kings 23:24

King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.

Profet Jeremaea 27:9

Eghume ghotilo thosei fanomho ka mae profet chaichaghi, ka mae khaekae, ka mae neilehe, ka mae glalase nei ka mae iheire te ruarutha mifi. Ghotilo thosei fanomho ka mae igre kate chekeni mare te mala thosei au ke pari gna nogna nolaghi king gna Babilonia teuna.

Profet Jeremaea 27:10

Mae igre chaghi ghami ghotilo fabrahu. Nu jame te fatutuani di ghotilo nodi cheke mae igre na, iara ginauna khi tei ghami ghotilo ka vido aheva te khaba fara.

Profet Maeka 5:12

Iara ginauna atha koko nomi thina blahi te fatutuanidi ghotilo igre, eghuteuna iara ginauna aknu falehe naikno te au naitu nhaghe te mala chekedi gobigna lepo nate thoke mei.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Eksodas 22:17

Nu jame te theome magnahagheni mae kmagna na mae igne te tolaghi ka thugna gaꞌase na teuna, mae teke toreni thugna mana na igne foliu ngala praes gna gaꞌase majaghani na.

Fapea Kings 17:15

Mare tirodi leghudi nogna farirhiu mana re, eghuteuna mare tirodi tajini u nhaꞌa cheke teke eni mana ka mae kuꞌedi mare tifa ra. Mare theome ghatho branadi nogna cheke mana re. Mare tarai ka mumuju te theo nafudi re, naugna igne, mare jaola theo nafudi. Neuba Lord ne cheke ranghidi mala thosei leghudi puhidi naikno te au faligohodiare neu, nu mare edi ngala glepo mala thosei edi teku Lord re.

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.