Diutronomi 18:1 - Buka Blahi Ka Cheke Holo

¹ Mae Moses ne cheke eghu, “Mae pris nei keha mae la ngau teu ka vikegna Livae igre ginauna theome khotogna kaisei vido ka glose ka keha vikemi ghotilo maemi Israel. Nu mare ginauna karha ka glepo blahi te hata te mei fafara ka Lord. Glepo blahi igre te nodi mare re.

Diutronomi 18:1 ပူးပေါင်းရင်းမြစ်များ

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Josua 13:14

Lord neke chekehi ka mae Moses te vikegna mae Livae igre ginauna theo nodi glose, nu mare ginauna au ghedi gano ka unha keha vike are te hata te mei te mala taraidi nei fafara eghu ka Lord.

Diutronomi 12:19

Eghuteuna kate au ghotilo ka glose igne na, ghotilo ginauna thofno reireghi fakelidi vikegna mae Livae.

Naba 18:20

Lord ne cheke eghu ka mae Eron, “Iagho nei mae ka vikemu iagho teure, ginauna theome tangomana te khotodi kaisei vido glose kate tufa iara ka naikno te gnafa Israel re, naugna gobigna lepo te magnahagheidi ghotilore mei funudi ka iara.”

Josua 13:33

Nu mae Moses neke theome tufa lao kaisei vido glose ka vikegna mae Livae. Eigna mae Moses neke chekehi ka mare te mare ginauna tangomana te atha vido ka unha te fafara lao naiknodi Israel ka Lord, nodi God maedi Israel.

Naba 26:62

Eghume khaputudi mae nalhaꞌu ka vikegna mae Livae te funu kaisei nhigra te haghe re, ne thokeni varadaki thilo thogha. Nu mare neke theome kaha fodu vikegna mae Livae gre baludi keha vike are, naugna God theome tufa lao kaisei vido glose ka mare jateula te tufa mana ka keha vike are eghu.

Josua 18:7

Vikegna mae Livae igne ginauna theo kaisei glose jateula keha vike are eghu, naugna mare loku jateula nogna pris Lord eghu, eghuteuna nodi gloku mare igne tughugna glose te tusu lao God ka mare na. Vikegna Gad, nei vikegna Ruben, nei vido gaga ka vikegna Manase teu igre la auhi glose ke maghati Khoꞌu biꞌo Jordan. Igne glose Moses nogna mae gloku Lord teke tusu lao ka mare tifa.”

Profet Jeremaea 33:18

Eghuteuna jaola te chekeni iara na, leuleghu fata na mae pris te jifla mei ka vikegna mae Livae igre, mare ginauna mala fafara ka iara gano te gahu ka khaꞌaghi, eghuteuna mare na atha mei flaoa ka famane wit, ba keha nafnata fafara.”

Profet Esikiel 44:28

“Nogu pris iara igre nei pris na teke karha mei ginau ke leghudi mare igre, mare na theome khotogna kaisei glepo ba kaisei glose. Ghotilo thosei tusu lao kaisei glepo Israel. Iara thegu ngala te mala jateula kaisei nodi glepo kolho teu te mala khotogna mare na.