Diutronomi 17:6 - Buka Blahi Ka Cheke Holo

⁶ Nu ulu lahu na, ame aknu falehe nga ghotilo teu na, ghotilo mala au phei ba thilo witnes ka puhi igne. Jame kaisei mae kolho te chekeni glepo igne na, ghotilo theome tangomana te faleheni mana ba gaꞌase na.

Diutronomi 17:6 ပူးပေါင်းရင်းမြစ်များ

Naba 35:30

“Jame kaisei mae faleheni keha mae na, mae tuana jaola mala lehe. Nu ghotilo mala au phei ba thiloi nomi witnes mala cheke fajiflani glepo igne ne tuani ba theo teuna, nu jame te kaisei mae witnes kolho na mana theome nabagna te lehe na.

Hibru 10:28

Mae ihei teke huhughudi nogna vetula mae Moses igre eghuteuna phei mae ba thiloi filoni mana te huhughuni vetula na, naiknore neke theome kokhonini mana. Mare neke faleheni mana.

Ululahu Timoti 5:19

Thosei fanomho ka fathoro te eni ihei ranghini mae biꞌo ka khiloau na, eghu te kaisei mae kolho te theome phei ba thilo naikno te kulu mei toutonu fakeli ka iagho eigna u fathoro tuana.

Matiu 18:16

Te tirogna fanomho fakeli mana ka iagho na, iagho ke pulo ka mana fapea fata na. Nu iagho toreni kaisei ba phei naikno mala tei balumu. Naugna grioriso te blahi na cheke eghu, ‘Kate fathoethoke kaisei mae eigna keha mae na, phei ba thilo naikno au balugna mana mala fanomho ka unha te chekeni mana na, nei kaisei gaoghatho ka unha te chekeni mana na.’

Diutronomi 19:15

Aonu mae Moses ne cheke eghu, “Ghotilo theome tangomana te fateni ihei jame te kaisei witnes kolho te chekeni najafragna mana na. Phei ba thilo mae te mala witnes ka najafra teke eni mana na ame fateni nga ghotilo mana eghu.

Fapea Korin 13:1

Igne fatilo fata nate ari posa iara ka ghotilo na. Ghathoni u grioriso te blahi na ne cheke eghu, “Kate fathoethoke ihei eigna keha naikno na, phei ba thilo naikno teke filo tathadi puhi igne na mala au fanomho ka unha te chekeni mana na.”

Jone 7:51

“Nu noda vetula tahati ia, theome keli te fateni naikno na kate theome nomhini teu mana na. Tahati na theome fateni mana ghilei laseni ngau tahati unha puhi teke eni mana na.”