Diutronomi 17:20 - Buka Blahi Ka Cheke Holo

²⁰ Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”

Diutronomi 17:20 ပူးပေါင်းရင်းမြစ်များ

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Diutronomi 5:32

Aonu mae Moses ne cheke eghu, “Ghotilo mala faghuai eghu te mala edi gobigna lepo teke chekedi Lord, nomi God ka ghotilo ra. Ghotilo mala thofno leghudi vetula igre.

Profet Isaia 2:12

Ka narane tuare, Lord mae ihei te au nolaghi fateote'o igne ginauna nhaꞌa faparidi iheire te fahaehaghe.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Eklesiasti 8:13

Nu naikno te diꞌa te theome ghatho tahuni God na, nakarhagna mana na ginauna theome keli, nei na theome brahu kolho eghu.”

Proveb 27:24

naugna glepo igre tangomana te mala mae dedei iagho na, nu dedei nei nafnakno teu igre theome tangomana te au raugha na.

Proveb 10:27

Ihei te ghatho tahuni Lord na, ginauna au raugha ka nauthoglu igne. Nu nakarhagna naikno te diꞌa na, ginauna na theome au raugha.

Nodi Khoje Hatimare Mae Jiu 132:12

Nu mae thumu nalhaꞌu iagho re mala leghu fakelidi nogu nhaꞌa cheke iara gre baludi vetula teke farirhiudi iara ra. Eghuteuna thudi nalhaꞌu mare nate karha mei thogheirore ginauna nake gnokro ka nou sape nafnakno iagho na mala funei frunidi naiknore tifa e tifa.”

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Fapea Kronikols 33:23

Nu mana theome jateula mae kmagna neku, naugna mana neke theome nhaꞌa faparini thegna ka Lord. Mana edi koba glepo te diꞌa re, eghume nabagna te thokeni papara biꞌo na.

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Fapea Kronikols 33:12

Mana au papara ne diꞌanagnafagna fara, aonu mana ne tarai ne toreni God mala toghoni. Mana nhaꞌa faparini thegna neke figri ka Lord nodi God kuꞌegna tifa ra.

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Fapea Kronikols 25:19

King Jehoas neke cheke eghui, “Iara laseni, iagho neke tei magra neke uluni armigna Idom, eghuteuna iagho glealeꞌa fara gognarona. Te keli na iagho au kolho ka namono. Thosei faꞌeiꞌei magra ka ghehati. Glahu ari ghehati goigonidi naiknodi Juda balumu iagho.”

Fapea Kings 14:10

Eghuteuna mana neke cheke eghui, “Tutuani, iagho neke ulunihi armi gna Idom ia ka magra, eghuteuna gognarona iagho fahaehaghe fara. Te keli na iagho tei au kolho ka sugamu na mala fahaehaghe nigho themu. Thosei eni kaisei puhi, naugna mana ginauna na goigoni nigho mana nei naiknodi Juda.”

Fapea Kings 10:30

Lord ne cheke eghu ka mae Jehu, “Iagho la edihi gobigna lepo teke magnahaghedi iara ka vikegna mae King Ehab ra. Eghume, iara nhaꞌa cheke ka iagho, fati mae ka vikemu iagho gre tei thoke ka fafati phagusu na ginauna kegra King Israel.”

Ululahu Kings 11:36

Iara ginauna snakreni thugna mana na mala funei frunini kaisei vike kolho, eghuteuna vikegna King Devet te mala funei fruni ni fabrahu Jerusalem. Igne namono teke vahini iara te mala pogho soruni ghotilo Nanghagu iara na.

Ululahu Kings 11:34

“ ‘Nu iara ginauna na theome hata fadelei nogna nolaghi mae Solomon te mala funei fruni kate karha teu mana na, naugna iara neke vahini mana mala king te mala funei fruni fabrahu ka nakarha gna na. Iara ginauna snakreni mana mala funei fruni, naugna iara ghatho tahuni King Devet, eigna iara neke vahini mana, eghuteuna mana neke leghudi nogu vetula nei nogu cheke teku iara re.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Diutronomi 17:11

Neubane unha nafnata cheke te farirhiu mare ka ghotilo na, nu ghotilo mala glealeꞌa tagna, eghuteuna ghotilo mala leghu fakelidi eghuteuna thosei ghatho ihoi kaisei glepo.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 12:28

Fiofilo ghami te mala leghudi vetula te chekedi koba iara ka ghotilo ra. Jame te leghudi ghotilore, ghotilo thofno eni unha te doglo ka tathagna Lord na, eghume mana ginauna edi gobigna lepore thofno keli fara ka nakarhami ghotilore nei ka nakarhadi thumi ghotilore eghu tifa tifa.”

Diutronomi 12:25

Eghuteuna kate theome koꞌu ghotilo kaisei dadara na, ghotilo thofno leghuni unha te doglo ka tathagna Lord, aonu mana ginauna edi gobigna lepo igre thofno keli fara ka nakarhami ghotilore nei ka nakarhadi thumi ghotilore eghu.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Nodi Khoje Hatimare Mae Jiu 119:102

Iagho themu ngala teke farirhiu ghau iara nou vetula na, eghume iara theome magnahaghei te lisa kokodi chekemu iagho re.

Ululahu Samuel 10:25

Aonu mae Samuel ne chekedi ka naiknore nogna gloku ba unha te au nogna nolaghi mana te mala edi kate king mana na. Eghuteuna mana ne rioriso soru ka buka glepo igre. Gnafa teuna mana ne lilisei fakeli buka igne ka nogna Sugablahi Lord na. Eghuteuna mana neke kuru fapulodi naiknore ka namonodi re.

Fapea Samuel 22:23

Iara leghudi koba nogna vetula manare. Iara theome huhughudi nogna cheke manare.

Ululahu Kings 2:3

Eghuteuna iagho mala eni unha te chekeni nou Lord God na. Iagho leghudi nogna vetula nei nogna cheke teu mana te rioriso soru ka nogna buka mae Moses ra. Jame te edi iagho glepo igre na, neuba iagho ne tei au delei, nou gloku iaghore ginauna thofno keli fara.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.