Lord ne cheke eghu, “Ghotilo mae sekiuriti ra ifu nomi khufli ra mala nomhini dofrau naiknore. Naoka na ginau soru mei jateula kaisei gaghata eghu mala mei hata nogu kantri iara igne. Naugna nogu naikno iara igre theome leghuni nogu nhaꞌa cheke teke eni iara ka mare tifa ia, nei tirodi nomhini chekegu iara na.
Diutronomi 17:2 - Buka Blahi Ka Cheke Holo2 “Jame kaisei mae ba kaisei gaꞌase te au balumi ghotilo ka kaisei namono teke tusu ari Lord nomi God ka ghotilo are eni puhi te theome doglo ka tathagna Lord kate goigoni nogna nhaꞌa cheke mana na teuna. အခန်းကိုကြည့်ပါ။ |
Diutronomi 17:2
26 ပူးပေါင်းရင်းမြစ်များ
Samaria ne snagu ka armi gna Asiria, naugna naiknodi Israel gre ne theome leghuni Lord, nodi God na. Nu mare huhughuni u nhaꞌa cheke teke eni mana baludi na, eghuteuna mare theome leghudi vetula teke chekedi mae Moses, nogna mae gloku Lord ra. Mare theome fanomho ka Lord, eghuteuna mare jaola theome leghuni mana.
Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”
Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”
Kate fate nigho iara na, iara ginauna tusu ari ka iagho nafnata papara jateula nogna papara naikno biꞌo teke thuru baludi keha nalhaꞌu igre teuna, eghuteuna naikno biꞌo igne neke aknu falehe thugna na. Iara ginauna aknu falehe nigho iagho, naugna puhimu iagho te diꞌa igne te thono diꞌataguni fara iara na.
Iara ginauna hata teidi ka glose te thofno keli fara teke nhaꞌa cheke iara ka kuꞌemi ghotilo tifa ra. Eghuteuna kate au mare tagna na, mare na au ghedi kmana gano, eghuteuna mare ginauna glealeꞌa fabrahu. Neuba mare ginauna nake figri ke tarai nei pogho soru eghu ka keha god delei na figri tagru ghau iara, eghuteuna mare ginauna huhughuni u nhaꞌa cheke teke eni iara baludi mare ia.
Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.
Iara ginauna snakreni magra biꞌo na mala roꞌeni nomi vido ghotilo na, mala para ghami ghotilo naugna ghotilo ne huhughuni nhaꞌa cheke teke eni iara balumi ghotilo ia. Eghuteuna jame te rikha te tei poru ghotilo ka vido keli ka nomi namonore, iara ginauna kuru ari thua nafnata fogra mala thoke ghami ghotilo, eghuteuna iara ginauna snakre lao ghami ghotilo ka khamedi nomi naoka ghotilo re.
Ghotilo neke eni nhaꞌa cheke igne ke ulugu iara, eghuteuna ghotilo neke leghuni kastom tuana mala rheta nhaꞌa cheke igne. Ghotilo neke falehe buluka neke vahe pea ka phei vido, eghuteuna ghotilo eni nhaꞌa cheke igne kate nolo ghotilo farihoteidi phei vido igre. Nu ghotilo theome leghuni nhaꞌa cheke igne, eghume ghotilo ginauna fnota pea jateula buluka igne eghu.
Nu Joas ne cheke eghu ka mare, “Ba, ghotilo magnahaghei te fakarhini Baal? Ghotilo magnahaghei te toghoni mana? Jame kaisei mae fariuriu toghoni Baal, mana ginauna lehe ame hamerane nga eghu. Jame te thofno god tutuani Baal na, snakreni Baal mala tafrani thegna ka mae ihei teke paꞌe soru nogna olta Baal.”
ကြော်ငြာတွေ