Diutronomi 17:18 - Buka Blahi Ka Cheke Holo

¹⁸ “Kate king te gnokro mana ka sape nafnakno na, mana mala rioriso soru kaisei nogna vetula Lord teke hata ka hatimare mae pris ka vikegna mae Livae.

Diutronomi 17:18 ပူးပေါင်းရင်းမြစ်များ

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Diutronomi 31:9

Aonu mae Moses ne rioriso nogna Buka vetula Lord na ne tusu lao ka hatimare mae pris nei mae iheire te baubatu ka naiknodi Israel. Mae pris igre ka vikegna mae Livae, eghuteuna mare tangomana te pala nogna Bokis Blahi Nhaꞌa cheke Lord.

Fapea Kronikols 34:15

Aonu mana ne cheke eghu ka sekretri Safan, “Iara la filo deni nogna Buka Vetula Lord ia agne ke lamnagna nogna Sugablahi Lord igne!” Eghuteuna mae Hilkaea ne tusu lao buka igne ka mae Safan.

Fapea Kings 22:8

Mae Hilkaea mae pris biꞌo na ne cheke eghu ka Safan mae sekretri na, “Iara kela filonihi Buka gna Vetula ia ke lamna nogna Sugablahi Lord.” Eghuteuna mana tusu lao buka igne ka mae Safan mala iuꞌiju mana.

Ululahu Kings 2:3

Eghuteuna iagho mala eni unha te chekeni nou Lord God na. Iagho leghudi nogna vetula nei nogna cheke teu mana te rioriso soru ka nogna buka mae Moses ra. Jame te edi iagho glepo igre na, neuba iagho ne tei au delei, nou gloku iaghore ginauna thofno keli fara.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.