Diutronomi 17:16 - Buka Blahi Ka Cheke Holo

¹⁶ Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.

Diutronomi 17:16 ပူးပေါင်းရင်းမြစ်များ

Profet Esikiel 17:15

Nu king gna Juda igne ne theome leghuni nogna nhaꞌa cheke na. Mana ne fatei cheke Ijep mala hata hose nei armi biꞌo eghu mala mei toghoni nei mala magra ka king gna Babilonia. Ba, jame te eghuna, mana eghuteuna uluni Babilonia? Ba, mana tangomana te rikha na? Theo, mae ihei te huhughuni nogna nhaꞌa cheke na, mala au papara!

Diutronomi 28:68

Neuba Lord neke chekenihi ka ghotilo na teke theome tangomana na teke pulo Ijep na, nu mana ginauna nake lilisei ghami ghotilo ka vaka mala ke kuru fapulo ghami jare. Eghuteuna kate au teu ghotilo jare na, ghotilo ginauna tangomana te toredi nomi mae naokare mala mei foli ghami ghotilo mala tei loku jateula naikno sneka eghu ka mare, nu ginauna na theo kaisei mae nate keli tagna te foli ghami ghotilo na.”

Profet Hosia 11:5

Nu mare tirodi fara teke pulo mei ka iara na. Naugna igne mare nabadi teke figri Ijep na, eghuteuna maedi Asiria igre ginauna nake funei frunidi mare.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Ululahu Kings 4:26

Solomon au phiatutu thogha chogho mala lilisei hose mala korho chariot ka magra, eghuteuna nabotho phei thogha hose maladi mae soldia.

Eksodas 13:17

Ke leghugna te snakredi mae king gna Ijep gne naiknore te jifla Ijep na, God na neke theome batudi naiknore ka nabrou te namo te ratha te tei ka kantri Filistia. Naugna God na ne cheke eghu ka nagnafagna na, “Jame te leghuni naiknore u nabrou te namo igne na, naiknore ginau na filodi keha vike re te mei magridi na, eghuteuna mare tangomana teke tughu nagnafa teke figri Ijep na eghu.”

Ululahu Kings 1:5

Mae Adonaeja gne thugna King Devet neke karha ka Hagit. Mana neke karha ke leghugna mae Absalom, eghuteuna mana kaisei mae famane fara. Nu mana patugama fara, naugna mae kmagna na theome cheke faheta ka mana mala fadoglini. Mae Adonaeja magnahaghei king ne cheke eghu, “Iara ginauna king.” Aonu mana tarabana chariot nei hose mala magra, eghuteuna mana hata glimafulu mae mala chari ke ulugna ka vido aheva te tei mana na mala reireghini.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Profet Hosia 14:3

Hatimare maedi Asiria theome tangomana te fakarhi ghami ghehati na. Eghuteuna hose te mala magra igre jaola theome tangomana te togho ghami na. Ghehati ginauna na theome cheke eghu ka mumuju teke hohoro kolho themi igre, ‘Ghotilo nomi god ghehati teuna.’ Lord, kokhoni ghami, naugna ghehati gne jateula sua glehe kokoi eghu theo ihei te mala togho ghami na.”

Fapea Samuel 8:4

Mae Devet ne hata ka mare varadaki thogha soldia nei kaisei thogha fitu gobi soldia te saghe ka hose. Eghuteuna mana jaola ne hata kaisei gobi hose mala tungnu chariot. Nu keha hosere mare rarhave kolho ghahedire mala theome tangomana reꞌe te nonolo na.

Ululahu Samuel 8:11

Mae Samuel ne cheke eghu ka mare, “Ghotilo magnahagheni kaisei nomi king, nu ghotilo mala kulu lase fakelinighu puhigna mana na. Igre puhi tuaro, mana ginauna hata thumi nalhaꞌu ghotilore mala nogna soldia. Keha ka mare ginauna mala soldia mala chari tei ka hose, eghuteuna kehare ginauna mala soldia mala saghe ka chariot, eghuteuna kehare ginauna mala kulu chari tei ka chariot mala magra.

Fapea Kronikols 9:25

Eghuteuna mana au fati thogha vido mala lilisei hose nei chariot, nei nabotho phei thogha mae mala saghe ka hose. Mana tathaji kehare Jerusalem, eghuteuna keha ka namono jare Israel.

Eksodas 13:18

Aonu God ne batudi mare ne lithui fei namono nagou na ne mei posa ka Thongna Ukru na baludi nodi glepo te mala magra re.

Fapea Kronikols 1:16

Mae iheire te loku fei bisnis ranghini Solomon, mare tei foli nogna hose mana ka phei kantri Ijep ghe Silisia.

Profet Isaia 2:7

Nodi namono mare igne fodu salaꞌui ka silva, gol, hose nei chariot. Theome tangomana kaisei naikno te kahadire.

Profet Jeremaea 42:19

Mae Jeremaea ne cheke eghu, “Ghotilo naiknomi Juda te aunga teu ka namono ignera! Lord neke cheke eghuhi ka ghotilo, ‘Ghotilo thosei tei Ijep!’ Ghotilo fanomho fakeli ka cheke te eni iara ka ghotilo gognarogne.

Profet Maeka 5:10

Lord ne cheke eghu, “Ka narane tuana, iara ginauna roꞌedi nomi hose ghotilo are, eghuteuna iara ginauna goigoni nomi chariot mala magra ghotilo are.

Ululahu Kings 5:6

“Eghume, iara magnahaghei nigho iagho te mala chekedi nou mae glokudi Sidon ra mala tei Lebanon mala kato keha gaju sida jare, mala babana iara Sugablahi igne. Nu iara ginauna kurudi nogu mae gloku igre mala ari toghodi mare. Eghuteuna iara ginauna foli nigho unha te chekeni iagho na mala folidi iagho nou mae glokure. Tapa kafe lasedi nou mae gloku iagho are thofno lalase salaꞌudi keha mae te kato thabara.”