Diutronomi 17:12 - Buka Blahi Ka Cheke Holo

¹² Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Diutronomi 17:12 ပူးပေါင်းရင်းမြစ်များ

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Naba 15:30

“ ‘Nu jame keha mae eni kaisei puhi te diꞌa kate ghathoni mana na, neubane kaisei mae ka ghotilo, ba mae phosa te au balumi ghotilo are, mana jateula te cheke faparini Lord eghu, eghume mana ginauna jifla ka naiknodi Israel.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Profet Hosia 4:4

Lord ne cheke eghu, “Ghotilo mae pris ra, theome keli puhi te cheke fadiꞌadi nei fatedi teu ghotilo naiknore. Iara thono diꞌatagu fara eigna unha te eni ghotilo igne, eghume iara ginauna fate ghami ghotilo.

Esra 10:8

Mare lilisei nabagna thilo narane te mala mei mare ka faidu igne. Eghuteuna te chekeni mare na jame mae ihei te theome mei ka narane igne na, mare ginauna hata koko gobigna lepo teke khotodi mana re, eghuteuna nhaꞌa fadeleini ka naiknodi Israel.

Diutronomi 18:7

Jame te eni mana igne na, mana tangomana te loku ka vido blahi na ka nanghagna Lord nogna God na, jateula te edi mae kheragna ra eghu.

Diutronomi 18:5

Ghotilo eni igne naugna Lord neke vahi fadelei vikegna Livae igne ka keha vike ghotilo are. Tutuani, Lord neke vahi fadeleidi mare ka keha vikere mala loku ranghini mana fabrahu ka vido blahi na.

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.

Diutronomi 10:8

Eghuteuna ka narane tuana, Lord neke vahini vikegna mae Livae mala palagna nogna Bokis Blahi Nhaꞌa cheke Lord na. Eghuteuna mae igre loku ka Suga Tapuale te Blahi na nei mala fablahidi naiknore ka nanghagna Lord. Igre nodi gloku mare te mei posa gognarogne.

Ululahu Tesalonika 4:2

Eigna ghotilo lasedihi farirhiu teke tusu ari tami ka nogna nolaghi noda Lord Jisas.

Jone 20:23

Te atha koko ghotilo nakhibogna kaisei naikno na, God ginauna atha koko hui nakhibogna mana re. Nu te theome atha koko ghotilo nakhibogna naikno tuana, God ginauna theome atha koko la nakhibogna mana re.”

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Matiu 10:14

Eghuteuna jame te posa ghotilo ka kaisei namono eghuteuna theome magnahaghei ghami naiknogna namono tuana ba tirodi fanomho ka nomi cheke ghotilo re teuna, jifla kokoni namono tuana. Kate jifla ghotilo na, ghiha koko gnagnapa te au ka ghahemi are ke uludi eghu. Igne kaisei fagaglana te mala falalase ghotilo ka naiknore God ginauna na fatedi.

Proveb 21:11

Te purini mae ihei te maꞌeni naikno na, mae te theome lalase na ginauna hata gaoghatho te keli ka tuana. Te cheke faheta ka mae te autagna gaoghatho te keli na, mana ginauna lalase fara salaꞌui.

Nodi Khoje Hatimare Mae Jiu 19:13

Lhoti ghau mala thosei ke edi iara puhi te fameomekro te magnahaghedi iara gre, eghuteuna iagho thosei snakredi puhi te diꞌa igre mala funei fruni ni nakarhagu gne. Gognaro te haghe na iara mala snagla ka nogna nolaghi nakhibo.

Diutronomi 18:20

Nu jame kaisei mae profet cheke ka nanghagu iara unha teke theome chekedi iara ka mana re, ghotilo faleheni mana. Eghuteuna jame kaisei mae profet cheke ka nanghadi keha god delei, ghotilo jaola faleheni mae igne.’

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Diutronomi 1:43

“Eghume iara chekeni igne ka mare leghuni unha teke chekeni Lord, nu mare theome fanomho. Mare cheke faparini Lord na ne haghe ka namono ka thogelero, naugna mare ne patugama.

Diutronomi 17:13

Eghuteuna kate nomhi keha naiknore cheke igne, naikno igre ginauna mhaghu, eghuteuna theo kaisei ka keha naiknore nate cheke fadiꞌadi mae mala fate nei mae pris teu igre.”

Jajis 20:13

Ghotilo hata mei mae te diꞌadi Gibea ra, mala aknu falehe ghehati! Tahati mala hata koko puhi te diꞌa igne ka noda namono tahati maeda Israel.” Nu mae ka vikegna Benjamin igre tirodi fanomho ka nodi cheke kheradi mare ka keha vikegna Israel.

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.

Profet Sekaraea 3:7

“Lord mae ihei te au nolaghi fateote'o igne ne cheke eghu, ‘Jame te leghuni iagho puhigu iara te doglo gne nei faꞌuvedi iagho nogu vetula iara gre teuna, iara ginauna snakre nigho iagho mala reireghini nogu Sugablahi iara gne baludi glalaba blahi te lithuini. Eghuteuna iara ginauna togho nigho iagho mala au nou nolaghi iagho te mei kegra ke ulugu iara, jateula iheire te kegra fabrahu ke ulugu iara igre eghu.

Naba 15:31

Naugna te theome leghudi mana nogna cheke nei nogna vetula teu Lord na, uve, mana nabagna te mala au papara na nei mana jaola mala jifla ka naiknodi Israel gre.’ ”

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”