Diutronomi 17:1 - Buka Blahi Ka Cheke Holo

¹ “Jame kaisei buluka, ba sipu, ba nanigot au thubu ka thinigna na, ghotilo thosei fafara lao ka Lord nomi God, naugna nafnata fafara igne thofno diꞌa fara ka mana.”

Diutronomi 17:1 ပူးပေါင်းရင်းမြစ်များ

Diutronomi 15:21

Nu jame kaisei buluka ba kaisei sipu ba dongki diꞌa ghahegna na, ba dofu tathagna na, ba au keha nafnata khabru tagna, ghotilo thosei fafara ka Lord, nomi God.

Profet Malakai 1:8

Ghotilo fafara ka iara buluka te dofu, te fogra, te lehe ghahedi teu igre. Ba? Tuare site doglo ka gaoghathomi ghotilo rea? Fariuriu atha tei si ghotilo nafnata gano tuare ka nomi mae funei na, na keli tagna mana neu si ghotilo ia? Thono theo fara!’

Diutronomi 23:18

Thosei hata mei kaisei sileni jateula fafara teke nhaꞌa chekeni ka Lord nomi God na eghu, glahu neke hata mana sileni igne ka nogna gloku vine nalhaꞌu ba gaꞌase. Lord thofno tirognadi fara phei nafnata vinegna vido blahi na.

Diutronomi 24:4

Jame te thoke mei puhi igre na, khetogna ulu lahu naꞌa igne theome tangomana teke tolaghi ka naꞌa na, naugna gaꞌase igne theome klino ka tathagna God, eghuteuna theome keli ka tathagna Lord na khetogna ulu lahu naꞌa igne teke tolaghi ka naꞌa na. Ghotilo ginauna thosei eni nafnata puhi te diꞌa igne ka glose teke tusu ari Lord ka ghotilo igne.”

Ululahu Pita 1:19

Theo. Mana neke foli fapulo ghami ka dadaragna mae Kraes thegna te ulu tulao. Mae Kraes na jateula kaisei sua sipu eghu mala fafara, te famane klino nei theo kaisei thona tagna.

Hibru 9:14

Nu dadaragna mae Kraes na au nolaghi biꞌo fara uluni igne te mala fagae ghita na. Mana neke atha thinigna thegna na mala eni kaisei fafara te klino tughu ghita ka nogna nolaghi mae Tharunga te Blahi te karha fabrahu. Naugna igne dadaragna mae Kraes na ne fagaedi nagnafadare mala theome eni tahati kaisei glepo te batu ghita kau glehe, nu tahati mala loku ranghini God mae te karha.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 11:1

Lord theome magnahaghedi naikno te skel chaichaghi na. Nu mana keli tagna ka naikno te skel fadoglo na.

Proveb 6:16

Lord theome magnahaghedi naiknore te edi fitu puhi igre: puhi fahaehaghe, puhi chaichaghi, puhi falehe naikno, puhi gaoghatho mala eni puhi te diꞌa na, puhi te tapla jafra ka nakhibo, puhi te cheke chaichaghi ka fate, nei puhi faripholai.

Diutronomi 25:16

Nu Lord nomi God thono tirognani fara naikno te chaghini ihei ka nogna bisnis na.”

Jenesis 41:19

Ke leghu na keha fitu buluka re ne daka mata ka khoꞌu na. Buluka igre gagaro nei nhubradi eghu kolho nei diꞌa diꞌa eghu fifilodire. Iara theome filoni ngau kaisei buluka te diꞌa jateula igre teu agne Ijep na.

Proveb 20:10

Lord na tirogna te skel chaichaghi na. Nafnata skel te diꞌa igne mana suku nognani.

Levitikas 1:3

Lord ne cheke eghu, “Jame kaisei mae ka ghotilo magnahaghei mala fafara buluka nalhaꞌu te thofno krono, mana mala atha kaisei te famane te theome au kaisei thona ka thinigna na. Mana mala tusu mei ka iara ka grengathagna Suga tapuale te Blahi te namo ka Olta te mala Gahu Fafara tagna na, mala kelitagu iara. Eghuteuna mae igne mala habo lao khamegna na ka phaꞌugna buluka nalhaꞌugna, eghuteuna iara ginauna kelitagu ka fafara tuana mala atha koko nakhibogna mae igne. Eghuteuna mana mala falelehe buluka nalhaꞌugna na ke ulugu iara, eghuteuna mae pris ka vikegna mae Eron igne ginauna atha dadaragna na atha mei ka iara mala totofa ka fati philegna olta na.

Naba 29:8

Ka narane blahi igne, ghotilo mala gahu u fafara te siri famane gna na mala gleꞌa iara ka fafara tuana. Igre unha te mala fafara ghotilo re: Kaisei buluka nalhaꞌugna te majaghani, kaisei sipu nalhaꞌugna, nei fitu sipu nalhaꞌudi te ikodi te kaisei finoghadi are. Glepo te tautagu igre e theo kaisei thona ba thubu ka thinidire.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.