Diutronomi 16:4 - Buka Blahi Ka Cheke Holo

⁴ Ka fitu narane gaghamu tuare, blahi ranghini ihei te hata isi ke lamnami ghotilo na. Nafnahi te fafara ghotilo ka grafigna narane ulu lahu na, ghotilo thosei tokiu ghilei hamerane ka keha narane na.

Diutronomi 16:4 ပူးပေါင်းရင်းမြစ်များ

Eksodas 34:25

“Kate aknu falehe ghotilo kaisei buluka ba sipu mala fafara mei ka iara teuna, ghotilo jaola thosei atha mei bret te au isi tagna na. Eghuteuna kate aknu falehe ghotilo kaisei buluka ba sipu malagna Gaghamu Ghasa-Polho na, ghotilo thosei tathaji kaisei vido nafnahi gna mala au ghilei thoke hamerane.

Eksodas 12:10

Ghotilo thosei toki keha nafnahi ghilei hamerane, nu jame te salaꞌui keha nafnahi te ghilei hamerane na, faghamu khaꞌaghi mala theo reꞌe.

Eksodas 13:7

Ke lamnadi fitu narane igre na, ghotilo mala thosei ima kaisei gano te lilisei isi tagna na. Tutuani, ghotilo thosei snakreni kaisei isi ba kaisei bret te au isi tagna na te lilisei teu aheva nga rhedi nomi suga re.

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Eksodas 12:6

Kaisei tharakna teuna mare mala famane tathaji fakeli u sipu ba nanigot teke vavahi thedire ghilei thokeni grafi gna nabotho fati narane gna nhigra igne. Ka grafi gna narane tuana goro mae biꞌo re ginau na aknu falehe sipu ba nanigot.

Eksodas 23:18

“Ghotilo thosei fafara ka iara dadaragna sipu na balugna bret te theo isi gna na. “Eghuteuna ghotilo thosei lilisei kaisei garofa ka fafara igne ghilei ke hamerane.

Diutronomi 16:5

“Ghotilo thosei fiti fafara tafri Gaghamu Ghasa-Polho igne ka namono teke tusu ari Lord nomi God ka ghotilo are.