Diutronomi 16:3 - Buka Blahi Ka Cheke Holo

³ Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Diutronomi 16:3 ပူးပေါင်းရင်းမြစ်များ

Eksodas 12:39

Mare theo kaisei vido te snagla te mala kaikaliti ghedi na, naugna mae Ijep gre ne ghosei ne kuru fajifladi. Nu mare puipukhi flaoa te theo isi gna na ngala te kuki te eꞌei bret na.

Eksodas 34:18

“Leuleghu finogha, ka nhigra Abib, ghotilo mala ghathoni fabrahu eigna Narane biꞌo gna Bret te Theo Isi gna. Ka narane tuana, ghotilo ginauna ghamu kolho bret te theo isi gna na ghilei thokeni fafitu narane na jateula teke chekenihi iara ka ghotilo ia eghu. Naugna ka nhigra tuana, ghotilo neke jifla mei funumi Ijep.

Luku 22:19

Ke leghugna igne, mana hata bret na, ne cheke fakelini ka God, mana piepike ne tufa ka mae fanomhore. Aonu mana ne cheke eghu, “Igne thinigu iara na, iara tusu ari ka ghotilo mala fakarha ghami ghotilo. Ima igne mala ghatho fapulo ghau iara.”

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Ululahu Tesalonika 1:6

Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.

Ululahu Korin 5:8

Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Nodi Khoje Hatimare Mae Jiu 102:9

Naugna iagho thono diꞌatamu fara ka iara, iagho koko fadelei ghau iara jateula chara eghu kolho. Diꞌanagnafa iara te biꞌo fara na jateula ghegu gano eghu iara, eghuteuna kholodi tathagu gre jateula ghegu khoꞌu eghu iara.

Ululahu Kings 22:27

Iagho chekedi phiamare mala lilisei mae igne ka suga sosolo. Eghuteuna faghamuni ka bret moja nei khoꞌu eghu kolho ghilei ke pulo mei iara ka magra.”

Naba 28:17

Eghuteuna ka fanabotho glimai narane gna nhigra tuana, ghotilo ginau ke fufunu Gaghamu mala Ima Bret te Theo Isi gna na. Gaghamu igne ginauna eni fabrahu nabagna fitu narane eghuteuna ghotilo mala ima kolho bret te theo isi tagna na eghu.

Levitikas 23:6

Eghuteuna ka nabotho glima narane gna nhigra igne, ghotilo ginauna mala fufunu Narane biꞌo gna Bret te Theo Isi gna tuana. Narane biꞌo tuana eni nabagna fitu narane eghuteuna bret te ghamu ghotilo na mala theo kaisei isi tagna.

Eksodas 12:11

Kate ima na, ghotilo kulu famane pipichi fakeli nomi, fahaghe nomi sadol are nei louloku nomi khodo are eghu. Ima faghoeghose balu mhaghu nei rharhana eghu, naugna u Gaghamu Ghasa-Polho igne mala ghatho tahu ghau iara, nomi Lord na.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Diutronomi 4:9

“Nu fiofilo ghami eghu! Na eghunu ghatho ihodi ghotilo glepo tela filo tathamihi igre eghu. Leuleghu fata ka nakarhami re, ghotilo mala ghathodi glepo igre. Eghuteuna ghotilo mala farirhiudi thumi are nei grami te ikodi are eghu.

Diutronomi 16:2

Eghume ghotilo tei ka vido blahi aheva Lord vahini te mala falelehe ghotilo kaisei sipu ba nanigot ba buluka mala fafara ka Lord, nomi God.

Profet Isaia 52:12

Nu ghotilo ginauna na theome faghosei jifla Babilonia, jateula te rikha ra teuna. Naugna Lord nomi God ghotilo maemi Israel ra ginauna batu ghami ghotilo, eghuteuna mana ginauna au ke leghumi ghotilo mala reireghi ghami ghotilo.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”