Diutronomi 16:20 - Buka Blahi Ka Cheke Holo

²⁰ Leuleghu fata na ghotilo mala eni puhi te doglo na ka naiknore. Jame te eghu ghotilo na, ghotilo ginauna tangomana te khotogna glose teke tusu ari Lord ka ghotilo ana, eghuteuna ghotilo ginauna au raugha tagna.

Diutronomi 16:20 ပူးပေါင်းရင်းမြစ်များ

Filipae 4:8

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Letas Teke Riso Tei Mae Pol Ka Khiloau Rom 10:5

Mae Moses neke rioriso eigna u vetula te mala toghodi naiknore te mala au doglo ka tathagna God na. Mana neke cheke eghu, “Ihei te leghudi fabrahu unha te gnafa te chekeni ka vetula na mala au doglo ka tathagna God, mana ginauna au fabrahu tifa tifa.”

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Esikiel 18:9

Mae igne leghudi nogu cheke iara re, eghuteuna mana theome huhughudi nogu vetula iara re. Mae ihei te doglo igne, mana ginauna hatini nakarha te keli na. Igne nogu cheke iara Lord God na.

Profet Esikiel 18:5

“Kulu ghathoni kaisei mae te keli. Mae ihei te tangomana te edi unha glepo te doglo nei leghuni kolho vetula na.

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 16:21

“Kate eni ghotilo nogna olta Lord na, ghotilo thosei ke eni ka thaba mumuju gna god gaꞌase Astarot igne mala fakegra haghe rhegna nogna olta Lord igne.

Proveb 11:19

Ihei te heta ghegna te leghuni puhi te doglo na, ginauna karha. Nu ihei te heta ghegna te leghuni puhi te diꞌa na, ginauna lehe.