Diutronomi 16:18 - Buka Blahi Ka Cheke Holo

¹⁸ Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Diutronomi 16:18 ပူးပေါင်းရင်းမြစ်များ

Ululahu Kronikols 23:4

Aonu mae Devet ne cheke eghu, “Varadaki fati thogha mae mala fiofilogna gloku te eni mare ka nogna Sugablahi Lord na. Eghuteuna namno thogha mae te mala fanomho ka fate te mala rioriso soru nodi cheke hatimare mae king.

Ululahu Kronikols 26:29

Goro thugna mae Isaha, mae Kenanaea nei goro thugna teu igre, mare theome loku ka Sugablahi. Nodi gloku mare na mala fate nei fanomho ka nodi puhi biꞌo naiknodi Israel.

Diutronomi 21:2

Jame te eghu na, nomi mae lida nei nomi mae mala fate teu ghotilo re tei ka vido aheva te au thinigna mae te lehe igne. Ghotilo falaseni vido aheva te au rhegna namono tuana.

Diutronomi 17:12

Ihei te theome magnahaghedi nei cheke fadiꞌadi teu unha te chekedi nogna mae mala fate ba nogna mae pris Lord nomi God ghotilo igre mala lehe. Igne unha te mala eni ghotilo na te mala hata fadelei puhi te diꞌa igne ka namonomi ghotilo re.

Diutronomi 17:9

Ghotilo mala cheke thakleni puhi biꞌo tuana ka mae pris ka vikegna Livae, ba cheke thakleni ka hatimare mae fate mae te fanomho ka narane tuana. Eigna mare te mala fateni na puhi biꞌo tuana.

Eksodas 21:6

jame te eghu mana na, nogna mae funei na ginauna athani mana tei ka mae mala fate. Mana ginauna fakegrani mana ka grengatha na ba ka khegragna grengathagna vido igne, aonu mana atha nila, eghuteuna mana ei khora ka khuligna na. Aonu mae igne ginauna mala nogna mae gloku mae funei igne fabrahu ka nakarhagna na.

Matiu 5:21

Mae Jisas ne cheke eghu ka mare, “Ghotilo la nomhinihi nodi farirhiu mae kuꞌeda tifa ra, ‘Thosei falehe naikno. Mae ihei te falehe naikno na, mare na hatani mana kau fate.’

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Diutronomi 16:17

Naikno te gnafare mala kafe hata mei unha te tangomana leghuni fablahi teke tusu ranghi ghami Lord, nomi God.”

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Ululahu Samuel 8:1

Kate kuekuꞌe fara na, mae Samuel ne vahidi phei mae thugna re mala funei Israel.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Proveb 31:23

Khetogna na, naiknore ghatho tahuni mana, eghuteuna mana mae biꞌo ka nodi namono na.

Eksodas 18:21

Jaola, iagho vavahi keha famane mae funei te lalase mae iheire te ghatho tahuni God nei mae iheire te tutuani nodi cheke re nei mae iheire te theome tusu lao sileni ka naiknore te mala eni u puhi te diꞌa na eghu. Mae igre keha mala batuni kaisei thogha naikno, keha mala batuni kaisei gobi, keha mala batuni glima fului nei keha mala batuni nabothoi eghu.

Eksodas 21:22

“Jame phei mae magra, eghuteuna tutini gaꞌase te bukla igne ne khoko sua na. Aonu gaꞌase igne jame theome fnera ka thinigna na, mae ihei teke purini thau igne ginauna poloru ka mae khetogna gaꞌase igne. Khetogna gaꞌase igne ginauna lilisei praes ka poloru igne, eghuteuna jame te kaisei gaoghatho mae lida igre ka praes igne na, mae igne mala foli unha te magnahagheni mana igne.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.