Diutronomi 16:16 - Buka Blahi Ka Cheke Holo

¹⁶ “Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Diutronomi 16:16 ပူးပေါင်းရင်းမြစ်များ

Nodi Khoje Hatimare Mae Jiu 96:8

Nanghagna na thofno fnakno kligna lahu, eghume ghotilo cheke fakelini mana. Eghuteuna ghotilo tusu mei nomi fafara re ka nogna Sugablahi igne.

Profet Hagae 1:9

Leghu fata na ghotilo mala ofo mala vuragha ghemi gano ka nagarere, nu keha ghu kolho te kotu haghere. Kate atha te mei ghotilo gano re ka sugami re, iara na snakre mei nuri mala faflalo koko gano tuare! Unha ne eghu nga? Iara Lord cheke fadoglo ka ghotilo. Iara eni igne, naugna ghotilo loku heta mala fakegra kolho nomi suga themi are. Nu nogu Sugablahi iara na theome au fakeli kolho eghu.

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Eksodas 34:20

Nu nomi sua dongki nalhaꞌudi ghotilo teke kulu karha are, ghotilo ginauna tusu lao kaisei sipu ikoi ka God mala ke foli fajifla mana sua dongki tuana mala ke nomi ghotilo. Jame te tiromi foli fajifla ghotilo sua dongki tuana na, ghotilo ginauna lolhopa grara gna na mala lehe. Nu leuleghu fata na ghotilo mala foli fajifla thumi nalhaꞌu te gnafa ghotilo are. “Leuleghu fata na, ihei te mei ka iara na, mana atha mei glepo mala tusu mei ka iara.

Ululahu Kings 9:25

Thilo fata leuleghu finogha, King Solomon fafara ka Lord ka olta teke eni mana na. Fafara te eni mana igne thofno knoro fara, mana eni fafara igne mala laseni naiknore te au fakeli mana balugna Lord. Eghuteuna mana jaola gahu insens ranghini Lord. Ka nafnata puhi igne, mana edi gobigna lepo igre kate tarai ka nogna Sugablahi Lord teke horo mana na.

Profet Isaia 23:18

Nu sileni te hata mare ka bisnis igre mala nogna Lord. Mare ginauna theome tathaji sileni igre, nu mala tufa ka naikno te loku ranghini Lord. Aonu nogna mae gloku Lord igre ginauna au ghedi kmana gano balu nodi famane pohe.

Nonomho Te Keli Teke Risoi Mae Mak 12:3

Nu mae greireghi nagare igre kegra haghe ne aknini mae gloku igne ne tirodi tusu lao kaisei grep ka mana neke kuru fapuloni kolho.

Jone 7:2

U narane biꞌo nodi mae Jiu te kiloi “Gaghamu Grorofe” na la namohi.

Eksodas 34:24

Iara ginauna khi fajifladi naikno ka glose nate tei ghotilo tagna igne, eghuteuna iara ginauna eni fakrepa biꞌo nomi glose ghotilo igne. Eghuteuna neuba ghotilo ne mei ka thilo narane biꞌo igre ne tarai nei pogho soru neu ka iara Lord nomi God gne, ginauna theo kaisei mae nate fariuriu blauni ka ghotilo glose igne.

Levitikas 23:34

“Cheke ka naiknodi Israel, leuleghu finogha, ka fafitu nhigra igne, ka fabotho glima narane gna na, ghotilo mala eni Narane biꞌo te mala Au ka Grorofe Ikoi, narane biꞌo igne mala eni nabagna fitu narane.

Diutronomi 16:15

Ka fitu narane te glealeꞌa ghotilo ka gaghamu biꞌo te eni ghotilo ka vido blahi te vahini Lord igne. Ghotilo tangomana te glealeꞌa na naugna Lord, nomi God neke fablahidi nomi nagare nei nomi gloku teu ghotilo re. Ka narane te eghu igre ghotilo ginauna thofno glealeꞌa nomi fara.

Diutronomi 16:17

Naikno te gnafare mala kafe hata mei unha te tangomana leghuni fablahi teke tusu ranghi ghami Lord, nomi God.”

Ululahu Samuel 1:3

Leuleghu finogha na, mae Elikana gne tei koba Saelo mala fafara nei tarai eghu ka Lord mae ihei te au nolaghi fateote'o. Ka namono biꞌo igne te au phei thugna mae pris Eli re, mae Hofni ghe mae Finehas, phei mae igre nogna pris Lord.

Ululahu Samuel 6:3

Aonu mae pris nei mae kastom teu igre ne cheke eghu, “Jame teke hata fapulo tahati Bokis Blahi igne na, tahati na fatei kaisei namha balugna, eghume tahati na poloru ka nodi God mae Israel igne. Theome tangomana te fiti hata fapulo kolho tahati na, tahati mala fatei kaisei glepo balugna, eghuteuna tahati ginauna tangomana na teke keli fapulo na. Eghuteuna tahati ginauna na lasenila naugna unha neku neke goigoni ghita nga teuna.”

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Nehemaea 8:15

Eghuteuna mana jaola neke cheke ka mare mala tei tongana Jerusalem nei ka namono te gnafa Juda mala toutonu cheke igre ka narane biꞌo igne. Mare mala cheke eghu, “Ghotilo tei ka thogele ro mala hata mei kmana gregedi gaju oliv, nei gaju matel, nei gaju thubo, nei keha gaju te au kmana khakladi tadi, mala horo grorofe tadi.” Jateula te chekeni ka buka Vetula na igne eghu.

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Nodi Khoje Hatimare Mae Jiu 122:4

Igne namono aheva tahati nogna naikno Lord ra te mala mei tegioni mana, jateula teke chekeni ia eghu.

Esra 3:1

Naiknodi Israel igre neke pulo mei neke au fakeli ka nodi namono re. Eghuteuna kate namo mei fafitu nhigra ka finogha igne mare mei ne salofodu Jerusalem.

Nodi Khoje Hatimare Mae Jiu 84:8

Lord God, iagho nogna God ku'emi Jekop, iagho mae ihei te thofno nolaghi fara ia, fanomho mei ka iara. Uve, iagho fanomho mei ka nogu tharai iara gne.

Profet Isaia 33:20

Ghotilo filoni Jerusalem. Namono aheva te mala ei gaghamu biꞌo nei tarai teu tahati ia. Igne kaisei namono keli mala poru tahati tagna mala au kau pharikeli. Ginauna na jateula kaisei suga tapuale te theome tangomana kaisei naikno te rathu koko khegra te loku famaku gnarho gna suga igne, eghuteuna gnarho igne na theome tangomana te khusu na.

Profet Esikiel 36:38

Mare ginauna kmana fara jateula narane gaghamu tifa ka namono biꞌo Jerusalem teke fodu ka sipu teke hata teke mei fafara naikno ra eghu. Eghume ginauna na jateula tuana eghu, namono te diꞌa te krogha gognaro igre, ginauna fodu salaꞌui ka naikno. Eghuteuna mare ginauna lase ghau iara te Lord.”