Diutronomi 15:9 - Buka Blahi Ka Cheke Holo

⁹ Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Diutronomi 15:9 ပူးပေါင်းရင်းမြစ်များ

Diutronomi 24:15

Leuleghu narane na, ame plulu nga naprai na teuna, ghotilo folini teke loku mana na, naugna mae igne kuma fara eghuteuna mana magnahaghei sileni. Jame te theome folini ghotilo mana na, mana ginauna tei tanhi ka Lord, eghuteuna ghotilo ginauna naba te papara ka nakhibo igne.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Eksodas 22:23

Jame te eghu ghotilo na, reꞌe ginau na toreni nogu thotogho iara na, eghuteuna iara ginau na mei mala toghodi.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Proveb 28:22

Mae te loku famaku nogna glepore, mana tangomana te loku heta fara te mala ghosei te dedei na, mana theome laseni nate thono kuma fara ginauna.

Proveb 23:6

Thosei ghamu ka sugagna ihei te ghamu nhoto ghegna ganore. Thosei khiridi ghegna gano te keli manare.

Thoutonu Eigna Mae Job 34:28

Leuleghu fata na mare neke goigonidi fara naikno te kuma re. Eghuteuna naikno te kuma igre tanhi ka God. God nomhidi iheire te au kokhonidi, ne toghodi.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Proveb 24:9

Mae ihei te theome autagna gaoghatho te keli na, mana tangomana te ghaoghatho eigna te mala eni puhi te diꞌa na. Naiknore tirodini mae igne.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Diutronomi 15:1

Mae Moses ne cheke eghu, “Leuleghu fata ka fafitu finogha na, ghotilo ghiha koko kaoni are.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.

Eksodas 22:22

“Ghotilo thosei fakokhoanadi naikno biꞌo nei goro sua eghu te glehe kokoi are.

Diutronomi 31:10

Aonu mana ne cheke eghu ka mare, “Ka khukru gna fafitu finogha, kate ghiha koko kaoni ghotilo ka Narane biꞌo te mala Au ka Grorofe Ikoi igne, eghuteuna ghotilo te gnafa na mala kafe salo fodu mei ke ulugna Lord nomi God ka vido blahi aheva nate vavahi mana na, aonu ghotilo mala iuꞌiju vetula igne, mala nomhini naiknore.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Profet Jeremaea 34:14

‘Jame kaisei gaꞌase ba kaisei mae nalhaꞌu ka mae Hibru igre sneka ka ghotilo, mana ginauna mala loku jateula naikno sneka eghu nabagna namno finogha kolho, nu ka fafitu finogha na, ghotilo snakreni mana mala snagla jifla tei.’ Nu kuꞌemi ghotilo ra mare neke tirodi fanomho ka iara, nei tirodi leghu ghau iara.