Diutronomi 15:7 - Buka Blahi Ka Cheke Holo

⁷ “Kate tei te au ghotilo ka glose teke tusu ari Lord nomi God ka ghotilo na, jame kaisei kherami ghotilo ka namonomi na kmoꞌe ka glepo, ghotilo thosei hongo ghami ka mana, eghuteuna thosei thodo te toghoni na.

Diutronomi 15:7 ပူးပေါင်းရင်းမြစ်များ

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Matiu 18:30

“Mae gloku ululahu igne ne tirogna fanomho ka unha te chekeni mana na. Aonu mana ne koko laoni mae kheragna na ka suga sosolo mala ke ghilei tughu fahui mana gobigna lepo teke kaoni mana re.

Matiu 5:42

Jame kaisei naikno tore glepo ka iagho, fei nogna eghu. Eghuteuna mae ihei te magnahaghei hata ghu kolho kaisei glepo ka iagho teuna, snakre lao ka mana eghu.”

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Diutronomi 15:11

Naikno te kuma igre ginauna au fabrahu ke lamnadi nomi glose ghotilore. Naugna igne te chekeni iara ka ghotilo te mala glealeꞌa te mala thofno toghodi kherami maedi Israel te kmoꞌe ka glepo igre.”

Diutronomi 24:14

“Jame kaisei nomi mae gloku ghotilo kuma fara, neuba ne kherami, ba mae phosa te au ka nomi namono ghotilo na, ghotilo thosei chaghini mana.

Nehemaea 5:1

Ka narane tuare, kmana naikno Jiu ne kmoꞌe ka glepo, eghuteuna mare ne cheke balu diꞌatadi ka kheradire.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Profet Isaia 58:10

eghuteuna jame te toghoni ghotilo ihei te rofo, ba ihei te au ka puhi biꞌo, iara ginauna togho ghami ghotilo. Uve, jame te eni ghotilo igne na, iara ginauna atha fadelei gromno te toku tafru ghami ghotilo igne mala phae jateula naprai fari hotei naublatha ra eghu ghotilo.

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.

Nogna Buka Esta 9:22

Eigna ka narane igne hatimare mae Jiu neke bruedi nodi naokare. Eghuteuna jaola ka nhigra igne, nodi naꞌau papara nei diꞌanagnafa teku mae Jiu igre neke tughu ka pharikeli. Mae Modikae ne cheke ranghidi naiknore mala ei gaghamu biꞌo, nei gleale'a eghu ka phei narane igre. Eghuteuna mare mala tufa gano, ba glepo ka kheradi thofno ba ka iheire te au kokhonidi.