Diutronomi 15:15 - Buka Blahi Ka Cheke Holo

¹⁵ Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Diutronomi 15:15 ပူးပေါင်းရင်းမြစ်များ

Diutronomi 16:12

Ghotilo ke ghatho fapulodi narane teke au sneka Ijep ra, eghume ghotilo mala thofno leghudi vetula igre.”

Ululahu Jone 3:16

Ka igne te laseni tahati eigna u namha na: Mae Jisas neke lisa soru nakarhagna na malada tahati. Eghume tahati jaola nabada te lisa soru nakarhadare maladi kherada fofodu!

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Diutronomi 15:14

Iagho kubae namha ranghini sipu, nei gano, nei waen. Tusu ranghini kmana glepo jateula te eni Lord, nomi God teke fablahi ghami balu kmana glepo ra eghu.

Diutronomi 15:16

“Nu jame kaisei nomi naikno sneka ghotilo cheke eghu, ‘Iara tirogu tei koko nigho iagho naugna iara namha nigho iagho baludi tharaknamu iagho gne, eghume te keli na iara na au balumi ghotilo.’

Fapea Samuel 7:23

Eghuteuna theo kaisei naikno ka nauthoglu igne te jateula nou naikno iagho Israel igre teuna. Iagho neke fakarhidi mala kafe laseni nanghamu te fnakno kligna lahu. Ulu lahu na iheire te sneka, nu iagho fasnaglidi mala nou naikno themu. Iagho neke fakarhidi kuꞌedi nou naikno iagho teke au Ijep ra. Iagho neke edi kofubobhoi te biꞌo kani teke brue fajifladi iagho keha naiknora balu nodi mumuju god.

Profet Jeremaea 16:14

Lord ne cheke eghu, “Nu iara ginauna cheke kate tutuani ka ghotilo, narane na ginauna mei, eghuteuna theo kaisei naikno nate cheke eghu na, ‘Iara neke eni nhaꞌa cheke igne ka nanghagna Lord te karha, mae ihei teke atha fajifladi maedi Israel ka kantri Ijep.’