Diutronomi 15:14 - Buka Blahi Ka Cheke Holo

¹⁴ Iagho kubae namha ranghini sipu, nei gano, nei waen. Tusu ranghini kmana glepo jateula te eni Lord, nomi God teke fablahi ghami balu kmana glepo ra eghu.

Diutronomi 15:14 ပူးပေါင်းရင်းမြစ်များ

Ululahu Korin 16:2

Leuleghu narane Sade na ghotilo te gnafa na mala lilisei fadelei keha sileni nihai teke thokeni ghotilo ka nomi gloku na mala theome ke salo ghotilo ke leghugna te posa ari iara ka ghotilo na eghu.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Nodi Khoje Hatimare Mae Jiu 68:10

Nou naikno iagho re neke hohoro nodi namono jare ka glose tuana, eigna puhimu iagho na ne thofno keli fara ne faghedi gano fabrahu naikno te kuma re.

Nehemaea 8:10

Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Diutronomi 15:13

Eghuteuna kate snakre teini iagho na, iagho thosei fiti kuru teini kolho, iagho tusu ranghini keha nogna glepo.

Diutronomi 15:15

Ghotilo ke ghathodi narane teke sneka ghotilo Ijep ra eghuteuna Lord nomi God neke hata fajifla ghami ka khamegna Fero, king gna Ijep. Naugna igne teke cheke faheta iara ka ghotilo gognarogne.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.