Diutronomi 15:1 - Buka Blahi Ka Cheke Holo

¹ Mae Moses ne cheke eghu, “Leuleghu fata ka fafitu finogha na, ghotilo ghiha koko kaoni are.

Diutronomi 15:1 ပူးပေါင်းရင်းမြစ်များ

Diutronomi 31:10

Aonu mana ne cheke eghu ka mare, “Ka khukru gna fafitu finogha, kate ghiha koko kaoni ghotilo ka Narane biꞌo te mala Au ka Grorofe Ikoi igne, eghuteuna ghotilo te gnafa na mala kafe salo fodu mei ke ulugna Lord nomi God ka vido blahi aheva nate vavahi mana na, aonu ghotilo mala iuꞌiju vetula igne, mala nomhini naiknore.

Eksodas 21:2

Jame kaisei mae ka ghotilo te foli kaisei Hibru, mala nogna naikno sneka, mae igne ginauna tangomana te loku jateula sneka eghu nabagna namno finogha. Ka fafitu finogha na, mae igne ginauna snagla tei nogna. Eghuteuna mana ginauna theome tangomana teke tusu lao kaisei glepo ka nogna funei na.

Diutronomi 15:2

Igne puhi te mala eni ghotilo na, jame kaisei mae kheramu iagho kaoni ka iagho, iagho ghatho ihoni kaoni tuana, naugna nogna narane Lord te mala ghiha koko kaoni na la thoke meihi.

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Nehemaea 10:31

“Jame te mei naiknodi delei te sabiri gano ba keha glepo ka ghehati kau narane Sabat, ba ka keha narane blahi igre na, ghehati ginauna theome foli ka mare. Eghuteuna ka fafitu finogha na ghehati ginauna na theome joꞌu gano ka nagare. Jaola ka finogha igne, ghehati ginauna fahuidi kaoni teke edi naikno gre ka ghehati ra.

Profet Jeremaea 34:14

‘Jame kaisei gaꞌase ba kaisei mae nalhaꞌu ka mae Hibru igre sneka ka ghotilo, mana ginauna mala loku jateula naikno sneka eghu nabagna namno finogha kolho, nu ka fafitu finogha na, ghotilo snakreni mana mala snagla jifla tei.’ Nu kuꞌemi ghotilo ra mare neke tirodi fanomho ka iara, nei tirodi leghu ghau iara.