Diutronomi 14:3 - Buka Blahi Ka Cheke Holo

³ Aonu mae Moses ne cheke eghu, “Ghotilo thosei ghamu kaisei gano te thono diꞌa fara.

Diutronomi 14:3 ပူးပေါင်းရင်းမြစ်များ

Profet Esikiel 4:14

Nu iara cheke eghu, “Lord! Iara theome eni kolho kaisei glepo te mala thona iara ka tathamu iagho na. Funu ka narane kani suagu te ghilei mei posa ka narane gognarogne, iara theome ghamu kaisei nafnahi buluka teke lehe thegna, ba keha nafnata glepo tautagu teke kathu falehe keha glepo te tautagu na. Iara theome ghamuni kaisei gano te theome gae ka tathamu iagho na.”

Letas Teke Riso Tei Mae Pol Ka Khiloau Rom 14:14

Eigna iara kaisei balugna nogu Lord Jisas, iara thofno laseni te theo kaisei gano te ima tahati te mala tapla jafra ke ulugna Lord na. Nu jame ihei te ghathoni keha nafnata ganore te blahi te mala ima na teuna, nabagna na mana thosei ima gano tuana.

Levitikas 20:25

“Eghume ghotilo mala fofota glepo tautagu nei nanghaji eghu te theome klino. Ba unha glepo tautagu nei nanghaji eghu te klino ka tathagu iara na. Ghotilo mala thosei fathona ghami ka tathagu iara na ka kaisei glepo te blahi te mala ghamu ghotilo jateula nafnata glepo tautagu nei nafnata nanghaji, nei keha glepo ikodi te theome klino ka tathagu iara na.

Levitikas 11:43

Ghotilo thosei ghamu kaisei ka glepo tautagu igre. Jame te ghamu ghotilo na, ghotilo ginauna na theome klino ka tathagu iara na.

Taetus 1:15

Mae ihei te famane keli u gaoghathogna na ke ulugna God na mana filo glanidi gobigna lepo te kelire. Nu eigna mae ihei te theome keli ke ulugna God nu theome fatutuani ni mae Jisas Kraes teuna, mana theome tangomana te filo glani kaisei glepo te keli na. U nafnata naikno tuana au u gaoghatho te diꞌa nu u glalase eigna God na theome keli kolho ka mana.

Ululahu Korin 10:28

Nu jame kaisei mae cheke eghu ka ghotilo, “Gano igre neke fafara ka mumuju,” ghotilo ghathoni cheke mana igne mala thosei ima gano tuana.

Profet Isaia 65:4

Eghuteuna fei bongi na, ghotilo tei ke lamna beku mala cheke ka tharungadi naikno tela lehehi ra mala falalase ka ghotilo unha nate thoke mei ginauna. Eghuteuna ghotilo ima nafnahi bosu, eghuteuna seu kholodi keha nafnata nafnahi te theome keli ka tathagu iara na.

Jenesis 7:2

Kate tei saghe ka vaka na, iagho na atha fitu nalhaꞌudi nei fitu gaꞌasedi eghu ka soasopaigna nafnata glepo te tautagu te naba mala ghamu nei fafara teu are. Eghuteuna glepo te tautagu te theome naba te mala ghamu nei fafara teu are, iagho na atha kaisei nalhaꞌu gna nei kaisei gaꞌase gna eghu kolho.

Levitikas 11:2

mala cheke phiamare ka naiknodi Israel. Mana ne cheke eghu, “Ghotilo tangomana te ghamu glepo te tautagu