Diutronomi 14:29 - Buka Blahi Ka Cheke Holo

²⁹ Ka puhi igne vikegna mae Livae te theo nodi glose igre ginauna tangomana te au ghedi gano na. Eghuteuna jaola naiknodi delei te mei au balumi ghotilo are, nei iheire te glehe kokoi, nei goro naikno biꞌo tela lehehi khetodire teu te au ka namonomi ghotilo are eghu tangomana te kafe mei ka vido igne mala hata gano te nabadi. Jame te eghu ghotilo na, Lord ginauna fablahidi nomi gloku te gnafa ghotilore.”

Diutronomi 14:29 ပူးပေါင်းရင်းမြစ်များ

Diutronomi 15:10

Ghotilo glealeꞌa eghuteuna thosei thodo te toghoni ihei te kuma. Eghuteuna jame te eni ghotilo igne na, Lord ginauna fablahi ghami ghotilo ka gobigna lepo te edi ghotilore.

Diutronomi 14:27

Eghuteuna ghotilo thosei ghatho ihodi vikegna mae Livae te au balumi are, naugna mare theome khotogna kaisei vido glose te mala tobi nagare na.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Proveb 11:24

Tufa glepo iagho te toghodi keha naiknore, iagho ginauna dedei. Nu te loku fapulo iagho unha mala tufa teku na, iagho ginauna kuma.

Nodi Khoje Hatimare Mae Jiu 41:1

Ihei te ghathoni nei toghoni teu naikno te kuma na, naikno igne thofno keli tagna fara. Lord ginau toghoni mana kate nhotei mana kau hoholo na.

Diutronomi 16:14

Ghotilo balu thumi, nomi mae gloku, nei gaꞌase gloku, nei mae Livaet te au ka namonomi ghotilo are, nei naiknodi delei te mei au balumi ghotilo are, nei goro sua glehe kokoi, nei goro naikno biꞌo te au ka namonomi ghotilo are, ghotilo te gnafa na mala kafe tei mala thofno glealeꞌa ka gaghamu igne.

Diutronomi 12:12

Ka vido blahi tuana ghotilo tangomana te glealeꞌa ke ulugna Lord. Ghotilo baludi thumi nalhaꞌu nei thumi gaꞌase, nei nomi mae gloku teure, ghotilo te gnafa na tangomana te glealeꞌa jare na. Eghuteuna ghotilo mala edi vikedi mae Livaet te au ka nomi namono ghotilo are mala mei glealeꞌa balumi ghotilo jare, naugna mare theo nodi glose thedi.

Levitikas 19:34

Ghotilo mala ghathodi narane teke au ghotilo Ijep jateula naikno phosa teku jare ra. Ghotilo namhadi naiknodi delei are jateula te namha ghami themi eghu, eghuteuna ghotilo mala reireghi fakelidi, jateula ghotilo te reireghi fakelidi tharaknami themi are eghu. Iara Lord, nomi God ghotilo.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Naba 18:20

Lord ne cheke eghu ka mae Eron, “Iagho nei mae ka vikemu iagho teure, ginauna theome tangomana te khotodi kaisei vido glose kate tufa iara ka naikno te gnafa Israel re, naugna gobigna lepo te magnahagheidi ghotilore mei funudi ka iara.”

Diutronomi 6:11

Eghuteuna glose igne au suga te fodu ka glepo te keli teke theome lilisei ghotilo, seu teke theome dokha ghotilo, nei nagare grep, nei nagare oliv eghu teke theome joꞌu ghotilo. Eghume kate ghamu te boho ghotilo ka gano igre,

Diutronomi 10:9

Naugna igne mae Livaet gre theo thufadi ka glepo ba vido glose jateula keha vikedi Israel te au thufadi ba au nodi vido glose teu igre eghu. Naugna Lord nomi God ghotilo igne mana la chekehi ka mare te mana tangomana te tusu lao gobigna lepo te nabadi mare te mala karha tagna na.)

Nodi Khoje Hatimare Mae Jiu 94:6

Mare falehedi naikno biꞌo tela lehehi khetodira, nei goro sua glehe kokoi gre eghu. Uve, mare jaola falehedi naikno phosa te au balumi ghehati kau kantri igne.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Diutronomi 23:21

“Kate nhaꞌa cheke ghotilo ka Lord nomi God na, ghotilo thosei paipalighi fara te mala eni unha teke nhaꞌa chekeni ghotilo na. Lord ginauna theome ghatho ihodi nomi nhaꞌa cheke ghotilo ra, eghuteuna jame te theome edi ghotilo re, ghotilo ginauna nabami te mala au papara ka nakhibo igne.

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Nodi Khoje Hatimare Mae Jiu 41:2

Lord ginau reireghini nei bara fothini eghu nakarhagna na. Lord ginau toghoni mana mala au fakeli ka namonogna na. Eghuteuna God ginau theome snakreni mana ka khamedi nogna naokare.